Ballum

Ballum is it lytste doarp op it Amelân, oan de westkant fan it eilân. De namme komt fan de persoansnamme Balle mei de útgong - um.
It doarp hat likernôch 345 ynwenners (2012). Yn it sintrum is in lytse brink mei beammen der om en in frijsteande toer. Dy hearde eartiids wierskynlik by de slotkapel.

Ballum
Toer en tsjerke fan Ballum
Emblemen
Bestjoer
provinsje	Fryslân
gemeente	It Amelân
Sifers
Ynwennertal	480 (2021)
Oar
Tiidsône	UTC +1
Simmertiid	UTC +2
Koördinaten	53° 27' NB, 5° 41' EL
Amelân Fleanfjild Ballum
Kaart

Ryksmonumint oan de Camminghastrjitte

Ballum is lykwols it lytste doarp fan it eilân, dochs is it doarp de lokaasje fan it gemeentehûs fan It Amelân.

Skiednis

De Cammingha's

Yn de 15e iuw wennen de Cammingha's hjir, de eardere frijhearen fan it eilân. It slot fan de Cammingha's is yn 1829 ôfbrutsen. Sawat op it âlde stee is yn 1975 in nij gemeentehûs set. Ballum waard derom ek wolris kastielresidinsje neamd. Dêr is eins neat mear fan oer. De grêfstien dy't de grêfkelder eartiids ôfsleat is no de flier fan it lykhúske fan Ballum.

En fierders

Ut de 18e iuw binne noch âlde huzen mei ankerdatearringen bewarre bleaun. De pleatsen litte it boereferline fan it doarp sjen. De buorren fan Ballum binne in beskerme doarpsgesicht. De âlde byldhoude preekstoel yn de herfoarme tsjerke is it besjen wurdich.

Oant de Twadde Wrâldkriich wie der tsientallen jierren lang de feartsjinst tusken Swarte Harne en Ballum. Yn 1940 waard de feartsjinst troch de Duiters fuortset fan de pier fan Holwert ôf nei Nes.

Fleanfjild

Foar needgefallen is by Ballum in lyts fleanfjild oanlein, Ameland Airport Ballum. Soks kin nedich wêze by tichtfriezen fan de Waadsee, by ûngelokken of urginte opname yn in sikehûs. In SAR-helikopter is dan in útkomst. By't simmer kinne ek rûnflechten makke wurde, of oan sweeffleanen en parasprongen dien wurde. It útstapke meitsje nei Tessel of it Dútske Waadeilân Borkum kin ek.

Befolking

• 1954 - 250
• 1959 - 259
• 1964 - 271
• 1969 - 272
• 1974 - 288
• 1999 - 371
• 2002 - 360
• 2003 - 367
• 2004 - 370
• 2012 - 345
• 2021 - 480

Strjitten

Alle strjitten yn Ballum.

Sjoch ek

• Fryske doarpen.

Berne yn Ballum

• Eelke Bakker (28 july 1910 – 3 maaie 2020), sûnt 4 augustus 2018 de âldste Fries ea.

Keppeling om utens

• Webstee fan It Amelân

Boarnen, noaten en referinsjes

Boarnen, noaten en/as referinsjes:

	It Amelân
Doarpen: Ballum • Bueren • Hollum • Nes
Buorskippen: Ballumerbocht • Koaipleats
· ·