Hollum

Hollum is it meast westlike doarp op it Amelân. It is ek it grutste doarp yn de gemeente, mei likernôch 1.275 ynwenners (2020).

Hollum
Sicht op Hollum út it suden wei
Bestjoer
provinsje	Fryslân
gemeente	It Amelân
Sifers
Ynwennertal	1.285 (2021)
Oar
Tiidsône	UTC +1
Simmertiid	UTC +2
Koördinaten	53° 26' NB, 5° 38' EL
Loftfoto fan Hollum
Kaart

Tsjerketoer fan Hollum

Ryksmonumint oan it Tsjerkepaad

Hollum leit oan it Borndjip en is it grutste fan de fjouwer doarpen op It Amelân. Yn it doarp binne in soad smelle strjitsjes en kommandeurshuzen. De takkele rânen fan de gevels jouwe de rang fan de seefarder oan dy't yn it hûs wenne. Hoe mear takkels op de gevelrânen, hoe heger de rang.

It besjen wurdich

Sorgdragermuseum

It kultuer-historyske Sorgdragermuseum sit yn it eardere kommandeurshûs út 1751. Der is in wikseleksposysje en der wurde dialêzingen en rûnliedingen organisearre.

Rêdingsmuseum

Yn it eardere rêdingsboathûs is Rêdingsmuseum "Abraham Fock" fêstige. De namme komt fan de oant 1988 tsjinst dwaande hynsterêdingsboat dy't noch te besjen is. By demonstraasjes wurdt de boat troch tsien hynders fan it museum nei de see ta brocht.

Stellingmole De Ferwachting

Yn mûne De Ferwachting wurdt gauris nôt of moster meald.

• 
  De Ferwachting.
• 
  Fjoertoer
• 
  Kapiteinshûs yn Hollum
• 
  Tsjerkoargel

Tsjerken

• 
  Sint-Magnustsjerke
• 
  Westerleanetsjerke
• 
  Fermanje oan de Hearewei

Mienskip

Sûnt 1948 bestiet de Feriening Doarpsbelang. De feriening wol bûten de eigen belangen ek it toerisme befoarderje. It doarp hie yn it earstoan in eigen VVV, dy't letter opgien is yn de VVV fan It Amelân. Sa waarden skulpepaadsjes oanlein, foarsjennings makke, strânfeesten en optochten organisearre.

Sundeklazen

It Sinteklaasfeest wurdt yn Hollum noch as fanâlds dien. Op 4 desimber is it feest foar de bern, op 5 desimber foar boppe de achttjin jier. Allinnich jonges en manlju ferklaaie harren. Der wurdt dan op buffelhoarnen blaasd en men mei net weromkend wurde, ek net oan de stim. De saneamde baanfeiers feie alles wat frou hjitte kin fan de strjitte. De "Ouwe Sunderklazen" of "Omes" meie froulju en famkes twinge om te dûnsjen.

Dweilorkest

De "Hollumer Gromkes" is in dweilorkest dat yn 1991 oprjochte is mei de Blauhúster Dakkapel as foarbyld. Ynstee fan de Fryske truien drage de muzikanten in trui mei it Amelanner wapen.

Befolking

• 1954 - 951
• 1959 - 938
• 1964 - 945
• 1969 - 1046
• 1974 - 1101
• 2004 - 1230
• 2012 - 1165
• 2021 - 1285

Berne yn Hollum

• Willem Cornelis de Groot (6 oktober 1853), arsjitekt († 1939)
• Hannes de Boer (2 desimber 1899), fierspringer († 1982)
• Jan Bruin (30 septimber 1969), fuotballer

Strjitten

Alle strjitten fan Hollum.

Sjoch ek

• Fryske doarpen.
• Beskerme steds- en doarpsgesichten yn Fryslân

Keppeling om utens

• Hollum op It Amelân
• Offisjele webstek fan It Amelân

Boarnen, noaten en referinsjes

Boarnen, noaten en/as referinsjes:

Ofbylden dy't by dit ûnderwerp hearre, binne te finen yn de kategory Hollum fan Wikimedia Commons.

	It Amelân
Doarpen: Ballum • Bueren • Hollum • Nes
Buorskippen: Ballumerbocht • Koaipleats
· ·