Bas van der Vlies

Bastiaan Johannis (Bas) van der Vlies (Sliedrecht, 29 juny 1942 - 7 novimber 2021) wie in Nederlânsk earder politikus foar de Staatkundig Gereformeerde Partij (SGP).

Bas van der Vlies (1986)

Van der Vlies wie fan 10 juny 1981 oant en mei 17 juny 2010 (10599 dagen) lid fan de Twadde Keamerfraksje; sûnt 1986 wie er fraksjefoarsitter. Sadwaande heart er by dejingen dy't it langst in sit yn ien dan de keamers fan de Steaten-Generaal hân hat.

Yn de Keamer wie er ûnder mear dwaande mei lânbou, finânsjen, folkssûnens, wolwêzen, sport en ûnderwiis.

Libben en wurk bewurkje seksje

Van der Vlies studearre wei- en wetterboukunde oan de Hegere Technyske Skoalle yn Doardt en foltôge dy oplieding oan de Technyske Hegeskoalle Delft.

Foar't Van der Vlies de polityk yngie, wie er learaar wiskunde en plakferfangend rektor fan de protestantsk-kristlike middelbere skoallemienskip Kolleezzje Blaucapel (dat nei in fúzje no Gerrit Rietveld Kolleezje hjit) yn Utert.

Polityk bewurkje seksje

Yn 1974 sette Van der Vlies syn earste stappen yn de polityk. Fan dat jier ôf oant 1982 wie er lid fan de Provinsjale Steaten fan de provinsje Utert. Yn 1981 kaam er teffens yn de Twadde Keamer.

By de Twadde Keamerferkiezings 1986 waard er foar it earst listlûker fan de SGP. Sûnt hat er dy taak sân kear ferfold. By de Twadde Keamerverkiezingen fan 1994 helle de partij foar it earst twa sitten, nei jierrenlang trije sitten hân te hawwen.

Yn 2006 liet Van der Vlies it yn him omgean en jou it fraksjefoarsitterskip oer oan Kees van der Staaij, mar neffens syn sizzen liet er him troch syn partijgenoaten oerhelje om yn elts gefal nochris fjouwer jier by te tekenjen.

Desimber 2009 kundige Van der Vlies oan dat er nei de earstfolgjende Keamerferkiezings út de Keamer woe.[1] Nei de fal fan it kabinet-Balkenende IV joech er op de SGP-partijdei op 27 maart 2010 it partijliederskip en it listlûkerskip foar de Twadde Keamerferkiezings fan 9 juny 2010 oer oan Kees van der Staaij.

Op syn lêste dei yn de Keamer rikte Keamerfoarsitter Gerdi Verbeet him de fersiersels út dy't by it ridderskip yn de Oarder fan Oranje-Nassau hearre. Van der Vlies krige in lang duorjend applaus fan de oare keamerleden; syn lêste wurden as keamerlid wiene: "Soli Deo gloria" ('Allinne oan God de eare').

Persoanlik bewurkje seksje

Bas van der Vlies wenne mei syn húshâlding yn Maartensdijk (provinsje Utert. Hy wie dêr lid fan de Wersteld Herfoarme Tsjerke, it diel fan de Nederlânsk Herfoarme Tsjerke dat net opgean woe yn de Protestantske Tsjerke yn Nederlân (PKN). Op 17 novimber 2016 makke de SGP bekend dat Van der Vlies termkanker hie. Inkelde wiken earder wie Van der Vlies operearre oan in hertklep. Yn desimber 2020 krige Van der Vlies COVID-19. Van der Vlies stoar yn de âldens fan 79 jier.

Underskiedings bewurkje seksje

Keppelings om utens bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:
  1. SGP-nestor Bas van der Vlies vertrekt uit Tweede Kamer, NU.nl, 18 desimber 2009