Bath (Ingelân)
Bath is in stêd (city) yn it distrikt Bath en Noard East Somerset, yn it Ingelsk greefskip Somerset.
| Bath | ||
| ||
| Sifers | ||
| Ynwennertal | 83.992 (2011) | |
| Oerflak | 29 km² | |
| Befolkingsticht. | 2.896 / km² | |
| Hichte | maks. 238 m | |
| Polityk | ||
| Lân | Feriene Keninkryk | |
| Greefskip | Somerset | |
| Regio | Súd West Ingelân | |
| Oar | ||
| Tiidsône | (UTC+0) | |
| Simmertiid | (UTC) | |
| Offisjele webside | ||
| www.cityofbath.co.uk | ||
De stêd leit oan de rivier de Avon en is in drok besocht toeristeplak yn Ingelân.
Al yn de Romeinske tiid (60er jierren fan de 1e iuw) luts de stêd in protte minsken fanwege de genêskrêftige waarme boarnen; Aquae Sulis ('de wetters fan Sulis'). In timpel en termen út dy tiid binne foar in part bewarre bleaun. Edgar fan Ingelân waard kroane yn de Abdij fan Bath yn 973. Yn de 18e iuw waard Bath in modern baaiplak, mei in protte oanrin fan it begoedige diel fan de befolking. Beau Nash, de dandy, mocht dêr graach wêze.
De stêd is omjûn fan hichten. In protte gebouwen binne oplutsen út in witige lokale stiensoarte, de saneamde 'Bath stone'. De elegante 18e-iuwske Georgiaanske boustyl oerhearsket.
De stêd hat syn namme jûn oan in bisdom (Bath and Wells), mar de katedraal stiet yn Wells.
WrâlderfgoedBewurkje
Sûnt 1987 stiet Bath op de Wrâlderfgoedlist fan de UNESCO.[1] Yn 2009 waard der rekkening mei holden dat de erfgoedstatus ynlutsen wurde soe fanwege in wenningbouprojekt fan goed 2000 wenten. De kommissy besleat nei in besite oan de stêd om de status te hanthavenjen.[2]
De Royal Crescent, in crescent (heale sirkel) fan 30 huzen, goed foarbyld fan georgiaanske arsjitektuer
Rekonstruearre thermen yn Bath.
Op de eftergrûn de Bath Abbey
De Pulteneybrêge út it suden wei sjoen
De Abdij fan Bath by nacht
Berne yn BathBewurkje
- Aylmer Bourke Lambert (1761-1842), botanikus
- Jonathan Lynn (1943), film- en telefyzjeregisseur en senarist
- Curt Smith (1961), rockmuzikant (band Tears for Fears)
- Jason Gardener (18 septimber 1975), atleet
- Scott Sinclair (25 maart 1989), fuotballer
StedebannenBewurkje
| Boarnen, noaten en/as referinsjes: |
