Beart Oosterhaven

Beart Oosterhaven (Hitsum, 5 july 1956) is dichter, oersetter, korrektor, publisist en muzykresinsint.

Biografy

Sûnt 1981 is hy taalkundich meiwurker oan de Fryske Akademy. Dêr is hy ek lid fan de Musikologyske Wurkgroep. Fan dêrút fersoarge hy ek radioprogramma's foar Omrop Fryslân. Oosterhaven wie muzykredakteur fan it wykblêd Frysk en Frij en fan it literêr tydskrift Hjir. Hy is boppedat sjueryfoarsitter fan it Liet-festival. Beart Oosterhaven is redaksjelid fan It Beaken. Fierders is hy muzykkollumniist foar de Ljouwerter Krante en it Frysk Deiblêd.

Wurk

Poëzy

1979 : De polsslach
1990 : In leech fermidden : gedichten 1979-1989
2017 : Koarde fan 'e tiid. Utj. Hispel

Ferskaat (in seleksje)

1992 : Fryske hinnen : hânlieding by it hâlden, fokken en tentoanstellen
1996 : Aaipop magazine : Aaipop 10 jier
1996 : Muzyk yn Fryslân : aspekten fan it Fryske muzyklibben juster en hjoed''
2001 : Muzyk klinkt yn myn hert : de sololieten fan Paulus Folkertsma (1901-1972)
2005 : De fûgel yn dy : 35 jier Fryske folk- en poplietteksten 1969-2004

Oersettings (in seleksje)

1980 : De bearen dy’t nei see ta gongen (Susanna Gretz, út it Ingelsk)
1981 : Rein en Wytske (Milena Lukesová, oarspronklik Tsjechysk)
1982 : De bearen oan ’t ferhúzjen (Susanna Gretz, út it Ingelsk)
1986 : De Alvestêdetocht (stripferhaal-studio Vandersteen, út it Nederlânsk)

Prizen

1976: Rely Jorritsmapriis (foar fers: Sâlt)

Keppeling om utens

Beart Osterhaven by sirkwy.frl