Bernlefpriis

De Bernlefpriis is in Fryske kultuerpriis dy't nei fêststelling yn 1999 om de trije jier útrikt wurdt troch de provinsje Fryslân. Mei de Bernlefpris drukt de provinsje har wurdearring út foar artysten dy't in bysûndere bydrage leverje oan de Fryske (muzyk)kultuer. Dêrneist lit de provinsje sjen dat myzyk, neist literatuer,toaniel en foarmjouwing fan grutte betsjutting is foar de Fryske kultuer. De Bernlefpriis is bedoeld foar Frysktalige, fokale muzyk yn alle sjenres, foar in wurk en foar it hiele oeuvre fan in sjonger, groep en/of it wurk fan in komponist, arranzjeur en tekstdichter. De Bernlef-priis wurdt om bar útrikt foar lichte muzyk en foar earnstige, klassike muzyk. De priis bestie yn 2010 út in bedrach fan € 2000 en in oarkonde.

Bernlef

Bernlef wie in bline skiedfertolker, dy't ± 790 libbe. Der is net folle oer him bekend, mar hat wol betsjutting hân foar de Nederlânske- en Fryske kultuerskiednis. Hy soe sels de auteur wêze kinne fan in midsiuwske evangelyske boek Heliand.

Winners

2020 - band It Dockumer Lokaeltsje (gitarist Sytse van Essen en sjonger/bassist Peter Sijbenga) ^[1]
2019 - Wiebe ^[2]
2018 - Kjeld ^[3]
2017 - Zea (band fan Arnold de Boer) ^[4]
2016 - Liet ^[5]
2015 - Noardewyn live ^[6]
2014 - Emiel Stoffers ^[7]
2010 - Piter Wilkens
2005 - Henk Alkema
2002 - Reboelje

Oare Fryske kultuerprizen

Boarnen, noaten en referinsjes

Boarnen, noaten en/as referinsjes:

[1] Peter Sijbenga - Bernlefpriis 2020

[2] Band WIEBE wint Bernlefpriis 2019 (20-12-2019) op: Fryslân.frl

[3] Fryske blackmetalband Kjeld wint Bernlefpriis 2018 It Nijs, 18 desimber 2018

[4] ZEA wint de Bernlefpriis 2017 yn: It Nijs, 17 desimber 2017

[5] Frysk Songfestival Liet wint Bernlefprijs 2016 Omrop Fryslân, 9 desimber 2016

[6] Omrop Fryslân, 13 desimber 2015

[7] Zanger Hûnekop wint 1.500 euro met Bernlefprijs, Nieuwe Dockumer Courant, 21 desimeber 2014

[1]

[2]

[3]

[4]

[5]

[6]

[7]