Bisdom Roermond

It bisdom Roermond (Latyn: Dioecesis Ruremundensis) is ien fan de sân roomsk-katolike bisdommen yn de Nederlânske tsjerkeprovinsje. De grinzen fan it bisdom rinne lyk mei de provinsje Limburch.

Bisdom Roermond
Basisgegevens
Tsjerkeprovinsje	Utert
Katedraal	Sint-Kristoffelkatedraal
Patroanhillige	Unbesmodzge Untfinzenis fan de Jongfaam Marije
Hiemside	bisdom-roermond.nl
Skiednis
Oprjochting	I. 1559 II. 1853
Opheffing	I. 1801
Hierargy
Biskop	sede vacante
Statistyk
Oerflak	2.209 km²
Parochy's	285 (2021) dêrnjonken: 1 migrantemienskip
Tal tsjerken	296 (2021)
Tal katoliken	609.000 (2021)
Bisdomgebiet (read)

Skiednis

It brede kerstenjen fan Limburch fûn plak sûnt de 6e iuw, doe't missybiskoppen yn Maastricht harren sit krigen. Aldere spoaren fan kristlike oanwêzigens geane fierder werom, mar it plattelân bleau noch langer heidensk. Sûnt de 10e iuw hearde it súdlike diel fan it hjoeddeiske bisdom by it bisdom Luik, wylst in diel fan it noarden by it aartsbisdom Keulen hearde. Oant it oantsjinjen fan de reformaasje bleau dat sa.

Kristoffelkatedraal.

Op oantrunen fan lânfâld Filips II waarden yn 1559 de bisdommen yn de Nederlannen reorganisearre. Utert waard in aartsbisdom en ûnder Utert foelen de nije bisdommen Dimter, Haarlim, Ljouwert, Grins en Middelburch. It nije bisdom Roermond, dat op 12 maaie 1559 stifte waard, kaam net ûnder it aartsbisdom Utert te fallen, mar ûnder it aartsbisdom Mechelen en bestie út tesnipele dielen fan de bisdommen Luik en Keulen. De earste biskop fan it bisdom wie Wilhelmus Lindanus.

Yn de Frânske tiid waard it bisdom op 29 novimber 1801 opheft. De Frânsen woene gruttere bestjoersienheden en it grutste diel fan it gebiet waard wer by Luik foege, wylst it diel fan it bisdom dat yn it Bataafsk Mienebest foel oant 1853 tafoege waard oan it apostoalysk fikariaat Grave-Nijmegen. Dat diel waard yn 1853 by it bisdom De Bosk yndield.

De Belgysk-Nederlânske skieding yn 1830 makke it needsaaklik dat de nije Nederlânske provinsje Limburch in eigen tsjerklik bestjoer krige. Op 18 desimber 1840 waard it apostoalysk fikariaat Limburch ynsteld. De feroarings fan de grûnwet fan 1848 stiene ek de weropbou fan de tsjerklike hiërargy fan de Roomsk-Katolike Tsjerke yn Nederlân ta. Yn 1853, 42 jier nei de opheffing fan it earste bisdom Roermond, waard it fikariaat Limburch omset yn it twadde bisdom Roermond.

Katedraal

• Sint-Kristoffelkatedraal, Roermond

Patroanhilligen fan it bisdom

• Marije, ûnbeflekt ûntfinzen

List biskoppen

Earste bisdom (1559-1801)
1562-1588	Wilhelmus Lindanus
1588-1596	Gregogius Gherinx	fikaris-generaal
1596-1609	Henricus Cuyckius
1609-1611	Petrus Pollius	fikaris-generaal
1611-1639	Jacobus a Castro
1639-1645	Balduinus de Gaule	fikaris-generaal
1645-1651	Antonius Bosmane	fikaris-generaal
1651-1657	Andreas Creusen
1657-1659	Jacobus van Oeveren	fikaris-generaal
1659-1666	Eugenius Albertus d'Allamont
1666-1672	Jacobus van Oeveren	fikaris-generaal
1666-1669	Ignaas August Schetz van Grobbendonck	nea inwijd
1672-1673	Lancelot de Gottignies
1673-1677	Jacobus van Oeveren	fikaris-generaal
1677-1700	Reginaldus Cools
1700-1701	Joannes Antonius Dumont	fikaris-generaal
1701-1722	Angelus d'Ongnies et d'Estrees
1721-1722	Franciscus Sanguessa	koadjutor
1722-1741	Franciscus Sanguessa
1741-1743	Joannes Franciscus Dispa	fikaris-generaal
1743-1746	Josephus Werbrouck
1746-1769	Johannes de Robiano
1769-1770	Arnoldus Ignatius Jacobus Costerius	fikaris-generaal
1770-1775	Henricus Kerens
1775-1793	Philippus Damianus Ludovicus van en tot Hoensbroeck
1794-1801	Joannes Baron van Velde tot Melroy en Sart-Bomal
Apostoalysk fikariaat Limburch (1840-1853)
1840-1853	Joannes Paredis
Twadde bisdom (1853- )
1853-1886	Joannes Paredis
1885-1886	Franciscus Boermans	koadjutor
1886-1900	Franciscus Boermans
1899-1900	Josephus Drehmanns	koadjutor
1900-1913	Josephus Drehmanns
1914-1932	Laurentius Schrijnen
1932	Guillaume Lemmens	koadjutor
1932-1957	Guillaume Lemmens
1947-1957	Antonius Hanssen	helpbiskop, koadjutor (1957)
1957-1958	Antonius Hanssen
1959-1970	Petrus Moors	dêrnei oant 1972 as diosesaan administrator
1965-1972	Edmond Beel	helpbiskop
1972-1993	Joannes Gijsen
1982-1997	Alphons Castermans	helpbiskop
1984-1985	Johannes ter Schure	helpbiskop
1993-desimber 2017	Frans Wiertz
1999-	Everard de Jong	helpbiskop
2018-2023	Harrie Smeets

Keppeling om utens

• Offisjele webide fan it bisdom

Boarnen, noaten en referinsjes

Boarnen, noaten en/as referinsjes:

Kaski/Radboud Nijmegen: Kearnsifers Roomsk-Katolike Tsjerke (2021) Commons Wikimedia Commons  Ofbylden dy't by dit ûnderwerp hearre, binne te finen yn de kategory Roomsk-katolyk bisdom Roermond fan Wikimedia Commons.