Breunswyk
Breunswyk (Dútsk: Braunschweig; Nedersaksysk: Brunswiek) is in Dútske stêd en stedsdistrikt yn de dielsteat Nedersaksen (yn it eardere Regierungsbezirk Braunschweig). It wie oant 1946 de haadstêd fan de steat Breunswyk.
| Breunswyk Braunschweig | ||
| ||
| Kohlmerk | ||
| Bestjoer | ||
| Lân | Dútslân | |
| Dielsteat | Nedersaksen | |
| Boargemaster | Gert Hoffmann (CDU) | |
| Sifers | ||
| Ynwennertal | 248.867 (2010) | |
| Oerflak | 192.09 km² | |
| Befolkingsticht. | 1296 / km² | |
| Hichte | 75 m | |
| Oar | ||
| Stifting | 9e iuw | |
| Tiidsône | CET (UTC+1) | |
| Simmertiid | CEST (UTC+2) | |
| Koördinaten | ||
| Offisjele webside | ||
| Hiemside fan Braunschweig | ||
De stêd leit benoarden it Harzberchtme oan de rivier de Oker, dy't fia de rivieren de Aller en de Weser mei de Noardsee ferbûn is. It is de twads grutste stêd fan Nedersaksen.
Ut de skiednis
bewurkje seksjeBraunschweig waard foar it earst yn dokuminten neamd yn 1031 as Brunesguik. De ûnteansskiednis is ûnwis. De stêd kaam ta grutte bloei doe't de Saksyske hartoch Hindrik de Liuw út de Welfen-dynasty dêr yn de 12e iuw syn residinsje boude. De brûnzen liuw dy't hy yn 1166 jitte liet is it symboal fan de stêd wurden. De dom is ek út dy tiid. Braunschweig wie lid fan de Hânze fan de 13e iuw oant de midden fan de 17e iuw. Yn de 18e iuw wie Breunswyk net allinne in polityk sintrum, mar ek kutureel fan belang. Emilia Galotti fan Lessing en Goethe syn Faust waarden dêr bygelyks foar it earst útfierd.
De tsjerke heart ta it bytsje kultuerhistoarysk erfguod yn it âlde stedssintrum dat de loftbombardeminten yn de Twadde Wrâldkriich (15 oktober 1944) oerlibbe hat. Breunswyk wie oant 1946 de haadstêd fan de steat Breunswyk, dy't dat jier troch de Alliearde besettingsmacht opheft waard.
It stedgebiet is sûnt 1 novimber 1981 ferdield 20 stedsdistrikten.
Ekonomy
bewurkje seksjeBraunschweig is in sintrum fan masinebou, auto-yndustry en sûkeryndustry. Teffen wurde dêr piano's (û.o. Grotrian-Steinweg, en Schimmel) makke.
Underwiis
bewurkje seksjeDe stêd hat in technyske universiteit, in ynternasjonale skoalle sûnt 2005 en in skoalle foar fuortset ûnderwiis ("Martino-Katharineum") dy't al yn 1415 stifte waard (Ferneamde lju sa as Carl Friedrich Gauss, Hoffmann von Fallersleben, Richard Dedekind en Louis Spohr hawwe dêr skoalgien). De iennichte hegeskoalle foar byldzjende keunst waard yn 1963 yn Breunswyk stifte (de "Hochschule für Bildende Künste Braunschweig").
Befolkingsûntjouwing
bewurkje seksje
Partnerstêden
bewurkje seksje
Bandûng yn Yndoneezje
Nîmes, Languedoc-Roussillon yn Frankryk, sûnt 1962
Bath yn Ingelân, 1971
Kirjat Tiw'on yn Israel, 1985/86
Magdeburg yn Dútslân, sûnt 1987
Kasan, Tatarstan yn Ruslân, sûnt 1988
Omaha, Nebraska yn de Feriene Steaten, sûnt 1992- Sousse yn Tuneezje, 1980
.svg){kind=small}
Berne yn Breunswyk
bewurkje seksje- Carl Friedrich Gauss (1777-1855), wiskundige
- Richard Dedekind (1831-1916), wiskundige
- Otto Grotewohl (1894-1964), politikus út de DDR
- Willy Lages (1901-1971), yn de WO II haad fan de SD yn Amsterdam
- Annette Birschel (1960), sjoernaliste
Galery
bewurkje seksje-
Boarch Dankwarderode -
Katedraal mei liuwestânbyld -
Alde riedhûs en fontein -
Bibleteek fan de Hegeskoalle Skoalle foar Byldzjende Keunsten
Keppelings om utens
bewurkje seksje- Braunschweig – 360° Panoramas
- Ynternasjonale skoalle Braunschweig-Wolfsburg
- Krante: Braunschweiger Zeitung
 |
Ofbylden dy't by dit ûnderwerp hearre, binne te finen yn de kategory Braunschweig fan Wikimedia Commons. |