Dedemsvaart (doarp)

Dedemsvaart hat syn namme te tankjen oan de Dedemsfeart dy't yn dit gebiet oanlein is. Dizze feart rûn fan Hasselt ôf nei Ane ta en waard oanlein yn it tiidrek fan 1809 oant 1854. De oanset en in grut part fan de útfiering fan dizze oanlis waard dien troch Willem Jan baron fan Dedem (1776-1851).

Dedemsvaart
Herfoarme tsjerke (2014)
Bestjoer
Lân	Nederlân
Provinsje	Oerisel
Gemeente	Hardenberg
Sifers
Ynwennertal	13.090 (2023)
Oerflak	34,99 km² dêrfan lân: 34,47 km² dêrfan wetter: 0,52 km²
Befolkingsticht.	374 ynw./km²
Oar
Ferkearsieren	N377
Postkoade	7700-7702
Tiidsône	UTC +1
Simmertiid	UTC +2
Koördinaten	52° 35' NB, 6° 27' EL
Kaart

Ferkear en ferfier

By (of op de rin fan de eardere) Dedemsfeart del rint de provinsjale dyk de N377 (Hasselt - Coevorden). In pear kilometer westlik fan Dedemsvaart rint de N 48. Dedemsvaart is mei it iepenbier ferfier allinnich mei de bus te berikken.

Kultuer en rekreaasje

It plak hat in tal histoaryske lânhuzen. Ek binne der de kalkovens, 't Leshuus. Yn de âldheidskeamer kinne besikers mear te witten komme oer de oanlis fan it kanaal, de yndustry fan Dedemsvaart yn de 19e iuw en de kalkovens. De botanyske tunen fan Mien Ruys foarmje in (ynter)nasjonale trekpleister.

Yn Dedemsvaart binne in tal rekreative foarsjenningen. De Kotermeer, in plasse út de tiid fan foar de feanterij, is hjoed de dei in rekreaasjeplasse dêr't swommen, syld, surft en fiske wurde kin. It Zuiderbos grinzet fuort oan de bebouwing fan Dedemsvaart.

Bekende persoanen

• Mien Ruys (1904 - 1999), túnarsjitekte;
• Reinier Paping (1931), winner Alvestêdetocht fan 1963;
• Gerrit Brand (1956), skriuwer;
• Cisca Joldersma (1964), CDA-politika;
• Sanne Hans (1984), sjongster (artystenamme Miss Montreal).

• 
  De kalkovens oan 'e Kalkovenwijk (2009)
• 
  Gashâlder oan 'e Oude Zuidwolderstraat (2005)
• 
  Draaibrêge oer de Dedemsfeart (2023)
• 
  Wettertún fan Mien Ruys (2002)
• 
  Earder haadkantoar fan de Dedemsvaartsche Stoomtramweg-Maatschappij (2017)
• 
  Loftfoto fan Dedemsvaart (2016)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Dedemsvaart fan Wikimedia Commons.