Echte kamieleftigen

De echte kamieleftigen (wittenskiplike namme: Camelinae) foarmje in ûnderfamylje fan 'e klasse fan 'e sûchdieren (Mammalia), it skift fan 'e evenhoevigen (Artiodactyla), it ûnderskift fan 'e ylpoatigen (Tylopoda) en de boppefamylje fan 'e kamieldieren (Cameloidea) en de famylje fan 'e kamieleftigen (Camelidae). Dizze taksonomyske groep ûntjoech him foar it earst sa'n 38 miljoen jier lyn yn Noard-Amearika, en is sûnt 2 oant 3 miljoen jier lyn ek lânseigen yn Aazje, Noard-Afrika en Súd-Amearika. Omtrint 10.000 jier ferlyn binne de echte kamieleftigen yn Noard-Amearika útstoarn.

Echte kamieleftigen
In keppel dromedarissen (Camelus dromedarius).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	evenhoevigen (Artiodactyla)
ûnderskift:	ylpoatigen (Tylopoda)
boppefamylje:	kamieldieren (Cameloidea)
famylje	kamieleftigen (Camelidae)
ûnderfamylje:	echte kamieleftigen    (Camelinae)
Gray, 1821

De echte kamieleftigen besteane út twa tûken, dy fan 'e echte kamielen (Camelini), mei trije libbene soarten, en dy fan 'e lama-eftigen (Lamini), mei fjouwer libbene soarten. Under dy beide tûken falle de kamielen (Camelus), lama's (Lama) en fikûnja's (Vicugna), mei as soarten it Arabyske kamiel of de dromedaris (Camelus dromedarius) út it Midden-Easten en Noard-Afrika, it Baktryske kamiel (Camelus bactrianus) en it wylde Baktryske kamiel (Camelus ferus) út Sintraal-Aazje, en de lama (Lama glama), de gûanako (Lama guanicoe), de alpaka (Vicugna pacos) en de fikûnja (Vicugna vicugna) út 'e Andes fan Súd-Amearika.

Underfamylje-opbou

ûnderfamylje echte kamieleftigen (Camelinae) tûke echte kamielen (Camelini) skaai Aepycamelus, Alticamelus of Homocamelus † skaai Aguascalientia † skaai Alforjas † skaai Amerikaanske kamielen (Camelops) † skaai Australocamelus † skaai beneikamielen (Paracamelus) † skaai Blancocamelus † skaai Cuyamacamelus † skaai Eulamaops † skaai Floridatragulus of Hypermekops † skaai Gentilicamelus † skaai Gigantocamelus † skaai Hesperocamelus † skaai kamielen (Camelus): 3 soarten skaai Megacamelus † skaai Megatylopus † skaai Michenia † skaai Miotylopus of Dyseotylopus † skaai Nothokemas † skaai Paralabis † skaai Paratylopus † skaai Pliauchenia † skaai Poebrodon † skaai Poebrotherium † skaai Priscocamelus † skaai Procamelus † skaai Protolabis † skaai Pseudolabis † skaai Tanymykter † skaai Titanotylopus † tûke lama-eftigen (Lamini) skaai fikûnja's (Vicugna): 2 soarten skaai Hemiauchenia † skaai lama's (Lama): 2 soarten skaai Palaeolama †

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Camelinae fan Wikimedia Commons.