Ediger-Eller

Ediger-Eller is in twillingsdoarp yn de lânkring Cochem-Zell yn it Dútske bûnslân Rynlân-Palts.

Ediger-Eller
Sint-Martinustsjerke fan Ediger
Emblemen
Polityk
Lân	Dútslân
dielsteat	Rynlân-Palts
lânkring	Cochem-Zell
ferbânsgemeente	Cochem
Sifers
Ynwennertal	890 (2021)
Oerflak	19,18 km²
Befolkingsticht.	46 ynw./km²
Hichte	99 m
Oar
Postkoade	56814
Tiidsône	UTC +1
Simmertiid	UTC +2
Koördinaten	50° 05'N 7° 09'E
Offisjele webside
www.ediger-eller.de
Kaart

Oant 1969 wiene Ediger en Eller selsstannige gemeenten. Sûnt 7 juny 1969 foarmje de beide plakken de Ortsgemeinde Ediger-Eller. Ediger-Eller falt ûnder de ferbânsgemeente Cochem.

Geografy

Ediger-Eller leit oan de Mûzel. It Ortsteil Eller leit oan de foet fan de Calmont, de steilste wyngerdberch fan Jeropa.

It besjen wurdich

Njonken in soad fakwurkhûzen binne u.o. it besjen wurdich:

Ediger

• De katolike parochytsjerke St. Martin. De let-goatyske tsjerke hat in romaansk doopfet en in barok alter.
• Dielen fan de âlde stedsfersterking.
• De Kreuzkapelle boppe op de wynberch mei in reliëf fan "Kristus yn de Wynpers" (twadde helte 16e iuw). Nei de kapel liedt in barokke krúswei.
• De Wohnturm Hofgut Lehmen fuort oan de Bundesstraße leit krekt bûten Ediger. It bouwurk is in romaanske wentoer, dy't foar it earst yn it jier 1245 neamd wurdt.
• De Meinradskapelle oan de Kapellenstraße/hoek Moselweinstraße is in beafeartskapel, dy't datearret út 1666/1667
• De eardere synagoge oan de Rathausstraße tusken de nûmers 3 en 5 is in ienfâldich bouwurk út de 19e iuw en is folsein restaurearre.

Eller

• De Sint-Hilarius oan de Bachstraße is in katolike tsjerke (likernôch 1500) mei in let-romaanske toer. It ynterieur is barok en neogoatysk. It Stumm-oargel stamt fan 1828.
• Yn de St.-Arnulfs-Kapelle of Rochuskapelle (ek fan 1500) is in fresko fan de bespotting fan Kristus te sjen.

Ofbylden

• 
  Ediger, fakwurkhûs (1657) oan de Moselweinstraße
• 
  Ediger, Kreuzkapelle
• 
  Ediger, synagoge

• 
  Eller, de Hilariustsjerke
• 
  Ediger, romaanske wentoer

Boarnen, noaten en referinsjes

Boarnen, noaten en/as referinsjes:

Dizze side is foar in part in oersetting fan de Dútske Wikipedyside; sjoch foar de bewurkingsskiednis: [1] Commons Wikimedia Commons  Ofbylden dy't by dit ûnderwerp hearre, binne te finen yn de kategory Ediger-Eller fan Wikimedia Commons.