Eekwert

Eekwert is in wenwyk yn de Fryske stêd Boalsert. De wyk wurdt rûchwei begrinzge yn it westen troch de Ljouwerter Feart, yn it noarden troch de Keapman Heereswei en Ugoleane, yn it easten troch de feart de Dobbe en yn it suden troch de stedsgrêft.

Eekwert
polityk
Gemeente	Súdwest-Fryslân
Stêd	Boalsert

Wyk

De wyk bestiet út twa dielen: Eekwert I en Eekwert II, dy't troch de Eekwerterleane skaat wurde. Eekwert I is it westlike part en waard ynde 1970-er jierren boud. Dat part bestie ynearsten út korporaasjewenten, dochs bestiet hjoed-de-dei út likefolle hier- as keapwenten. De wyk bestiet út benammen dûbelwenten mei in nustje frijsteande wenten oan 'e râne. Der is in grut gersfjild mei beammen, dêr't boartersark foar de pleatslike bern yn fêstige is, oan de kant fan de Ljouwerter Feart.

Eekwert II waard yn de 1980-er jierren boud en waard opset yn 'e foarm fan wenhiemen. Yn dizze wyk binne benammen ek dûbelwenten, mar waard rom opset. Der binne ferskate boartersfjilden. Fierders binne der yn it part fan 'e wyk 2 basisskoallen en sporthal De Middelsee fêstige.

De wyk hat mei de buert Altenburch in eigen buertferiening: WKV De Middelsee.

Terp

Eekwert wie ek in delsetting op in terp dy't doe eastlik fan de stêd lei. De namme komt ek foar as Grut Equard (pleats), Equerd, Echwerdt en Ecquert. Tsjintwurdich is it in pleats dy't midden yn 'e wyk De Fûgelkrite stiet.

Sjoch ek

• Fryske doarpen, buorskippen en delsettings

Boarnen, noaten en referinsjes

Boarnen, noaten en/as referinsjes:

Grutte Provinsje Atlas Fryslân, Wolters-Noordhof Altlasproduksjes / Afûk, 2000 Karel F. Gildemacher, "Friese Plaatsnamen", Ljouwert, Friese Pers Boekerij 2007, Equard bolsward.nl