Friesland Bank
| Friesland Bank | |
|---|---|
| |
| Basis ynformaasje | |
| Namme | Friesland Bank BV |
| Bestean | 1913 – 2013 |
| Haadfestiging | Ljouwert |
| Wurknimmers | 1.000 |
| Produkten | Belizzings, finânsjes,
hypoteken, fermogensbehear |
| Omset | €379,7 miljoen (2006) |
| Omset | €106,9 miljoen (2006) |
| Webside | Friesland Bank |
De Friesland Bank BV wie oant 13 desimber 2013 is in selsstannige Nederlânske finansjele tsjinstferliener. It bedriuw wie benammen yn Fryslân aktyf. Ek yn de noardlike provinsjes Grinslân, Drinte, Oerisel en Noard-Hollân hie it bedriuw festigings sitten. Der hawwe likernôch 1.000 minsken bij de bank wurke. Yn 2012 hawwe Rabobank Nederland en Friesland Bank bekend makke dat Friesland Bank folslein in dochterbedriuw wurde sil fan Rabobank Nederland.
Skiednis
bewurkje seksjeDe skiednis fan de Friesland Bank giet werom nei 1913. Yn dat jier iepent de Coöperatieve Zuivelbank in festiging. Yn dizze tiid hat de bank benammen klanten by de Fryske bedriuwen yn it agrarysk fakgebiet en by de oerheid. In soad koöperative molkfabriken, oankeapferienings en oare lânboukoöperative organisaasjes en agraryske ynstellings wienen as lid oansluten. Dit foar de finansiering en behertiging fan alle dêrfoar yn oanmerking kommende banksaken.
De Suvelbank hie in juridyske ôfdieling, efterelkoar foar juridyske advizen oan de leden en kontrole op de finansjele administraasje fan de oansletten ferienings. It tal leden wie yn 1956 111. De jildomset op rekkens fan de leden wie yn 1956 f 1132 miljoen. De reserves bedroegen yn 1956 ± f 4 miljoen. De bank wie oansluten by de Coöperatieve Centrale Raiffeisenbank yn Utert. Mar nei 1963, doe’t de Raiffeisenbank fusearre mei de Boerenleenbank, gie de bank wer selsstannich troch. Fan dan ôf giet de bank harren mear op partikulieren rjochte en wurde der festigings troch hiel Fryslân iepene. Yn 1970 wurdt de namme yn Friesland Bank feroare.
Oant 1990 is de Friesland Bank allinnich yn Fryslân aktyf. Mar yn dat jier wurdt besletten om ek yn oare (noardlike) provinsjes festigings te iepenje. Der komme kantoaren yn bygelyks Alkmar, Assen, Ynskedee, Grins, Swol en Amsterdam. In jier letter wurdt der fusearre mei de Fryske Bûnssparbank. Yn 2007 nimt de Friesland Bank Bank Bercoop oer.
Op 2 april 2012 lieten Rabobank Nederlân en Friesland Bank witte dat Friesland Bank in 100% dochter fan Rabobank Nederland wurde soe.
Organisaasje
bewurkje seksjeNeist de bank sels hat Friesland Bank NV ek noch in tal dochterûndernimmings.
- Friesland Bank Assurantiën B.V.: Halt him besich mei de ferkeap fan fersekerings.
- Aecum B.V.: Fersoarget de útfier fan kollektive pensjoenen.
- Friesland Bank Investments B.V.: Dizze ûndernimmings nimt nammens de Friesland Bank diel yn oare ûndernimmings.
De bank is (grut)oandielhâlder yn de Binckbank (10%), F. Van Lanschot Bankiers (28%) en de Triodos Bank (6%).
Keppelings om utens
bewurkje seksje| Boarnen, noaten en/as referinsjes: |
|