Hatsumermole

De Hatsumermole is in poldermole en ryksmonumint yn de neite fan it doarp Dronryp yn de gemeente Waadhoeke.

Hatsumermole
mûne / mole
De mûne yn 2018
lokaasje
lân	Nederlân
provinsje	Fryslân
gemeente	Waadhoeke
plak	Dronryp-Hatsum
adres	Keimptilsterdyk 2-A
koördinaten	53° 10' N 5° 37' E
bysûnderheden
type mûne	muonts
funksje	Poldermûne
oarspr. gebrûk	Bemeallen fan de Sikmapolder
flecht	11,56 meter
boujier	1878
oare ynformaasje
eigner	Stifting Moles Menameradiel
monumintale status	ryksmonumint
monumintnûmer	286151
Webside
Stifting Moles Menameradiel
Kaart

It is in mealreeë muonts, dy't sawat oardel kilometer besúdwesten Dronryp stiet. It is in houten achtkante mole, mei stiennen fjildmuorren, dekt mei houten fertikale dielen mei in flecht fan 11,56 m.

Skiednis

De Hatsumermole waard yn 1878 boud foar de bemealling fan de 60 ha. grutte polder Sikma, as opfolger fan in spinnekopmole. De Hatsumermole waard yn 1988/1989 restaurearre en krige yn 2003 in nije kape. De wipstôk fan de mole is fersierd mei in ienhoarn. De Hatsumermole, dy't eigendom is fan de Stifting Moles yn Menameradiel, mealt tsjintwurdich yn sirkwy en is op ôfspraak te besichtigjen.

Sjoch ek

• Mole yn Fryslân

Keppeling om utens

• De Hatsumermole op de Moledatabase'
• De Hatsumermole op de side fan de feriening 'De Hollandsche Molen'

Boarnen, noaten en referinsjes

Boarnen, noaten en/as referinsjes:

Friese Molens, 1995 Friese Pers Boekerij BV, ISBN 90 330 1522 6, side 178 Commons Wikimedia Commons  Ofbylden dy't by dit ûnderwerp hearre, binne te finen yn de kategory Hatsumermole fan Wikimedia Commons.