Heinebal (wittenskiplike namme: Bolboschoenus maritimus, synonym: Scirpus maritimus)[1] is in plantesoarte út 'e famylje fan 'e blaugerzen (Cyperaceae). It komt foar yn skoarren, kwelders en op plakken dêr't de grûn noch sâltich is troch eardere dyktrochbrekken dy't streamkes, rillen, slinken en wielen foarmen. Heinebal is werom te kennen troch de trijekantige stâle en de bloeiwize. Under de grûn hat de plant rûne houtene knollen dêr't fiedingsstoffen yn opslein binne. Dy knollen wurde in soad fretten troch oerwinterjende skiere guozzen.
| Boarnen, noaten en/as referinsjes:
|
- ↑ Franke, D, en Ploeg, D.T.E. van der, List fan Fryske Plantenammen, Ljouwert, 1985 (Fryske Akademy), s. 43.
|
