Jacob Joukes Bakker

Jacob (Jappy) Joukes Bakker (Menaam, 4 juny 190810 oktober 1975) wie in Frysk amtner en politikus. Hy wie as lid fan 'e CHU fan 1940 oant 1948 boargemaster fan Sleat en oanslutend oant 1969 boargemaster fan Bleiswyk, yn Súd-Hollân.

Jappy Bakker
High-contrast-accessories-text-editor.svg politikus
Jacob Bakker.jpg
echte namme Jacob Joukes Bakker
nasjonaliteit Flag of the Netherlands.svg Nederlânsk
bertedatum 4 juny 1908
berteplak Menaam (Fryslân)
stjerdatum 10 oktober 1975
stjerplak ?
etnisiteit Frisian flag.svg Frysk
partij CHU
Boargemaster fan Sleat
amtsperioade 19401948
foargonger J.H.W. Verkouteren
opfolger Ruurd Alta
Boargemaster fan Bleiswyk
amtsperioade 19481969
foargonger J. Baan Dz.
opfolger Eric Krop

Libben en karriêreBewurkje

Jonkheid en komôfBewurkje

Bakker waard berne yn Menaam, as ien fan 'e fjouwer bern yn 'e húshâlding fan gemeenteriedslid en Twadde Keamerlid Jouke Annes Bakker (1873-1956) en dy syn frou Stijntje Alberda (1873-1942). Hy hie in twillingsuster dy't Janke hiet. Bakker folge de MULO yn Ljouwert en dêrnei gied er nei de Hegere Hannelsskoalle.

KarriêreBewurkje

Nei't er fan skoalle kommen wie, gie Jappy Bakker yn augustus 1927 oan it wurk as folontêr op 'e gemeentesekretary fan Menameradiel, dêr't syn heit op dat stuit yn 'e gemeenteried siet. Ein 1930 waard Bakker yn Menameradiel beneamd ta tydlik amtner ter sekretary, en yn it neijier fan 1931 krige er in oanstelling as adjunkt-kommys by de gemeentesekretary fan Barradiel.

Yn jannewaris 1940 folge Bakker in J.J. van Dijk op as gemeentesekretaris fan 'e gemeente Sleat. Jappy Bakker wie krekt as syn heit lid fan 'e CHU. Mei yngong fan 1 juny 1940, in pear wiken nei de Dútske ferovering fan Nederlân, waard er as fertsjintwurdiger fan dy politike partij troch de opperbefelhawwer fan lân- en seemacht generaal Henri Wikelman beneamd ta boargemaster fan Sleat. Dat soed er bliuwe oant 1948.

Dêrnjonken wie Bakker fan mids 1944 ôf ek in skoft waarnimmend boargemaster fan Doanjewerstâl. Prinsesse-regintesse Juliana beneamde him mei yngong fan 1 augustus 1948 ta boargemaster fan Bleiswyk, yn Súd-Hollân. Nei goed tweintich jier yn dy funskje tsjinne te hawwen, gie Bakker dêr yn 1969 omreden fan sûnensswierrichheden betider mei pinsjoen, wêrnei't er yn 1975 mei 67 jier kaam te ferstjerren.

PriveelibbenBewurkje

Bakker wie troud mei Grietje Plat (1908-2009), dy't ek fan Menaam kaam. Mei har hied er twa soannen, Jouke en Auke.

Boarnen, noaten en referinsjesBewurkje

Boarnen, noaten en/as referinsjes: