Jakobstsjerke (Roanerwâlde)

De Jakobstsjerke (ek: Jabikstsjerke, Nederlânsk: Jacobskerk) is in yn 1831 boude sealtsjerke in it Drintske doarp Roanerwâlde. De tsjerke is in gebou fan 'e PKN-gemeente Roan-Roanerwâlde en sûnt 1965 in ryksmonumint.

Jakobstsjerke
Lokaasje
provinsje	Drinte
gemeente	Noardenfjild
adres	Haadstrjitte 25 9315 PA Roanerwâlde
koördinaten	53° 10' N 6° 28' E
Tsjerklike gegevens
tsjerkegenoatskip	PKN
Arsjitektuer
boujier	1831
boustyl	neoklassisisme
monumintale status	ryksmonumint
monumintnûmer	32543
Webside
PKN Roan-Roanerwâlde
Kaart

Skiednis

De Jakobstsjerke fan Roanerwâlde waard yn 1831 boud en ferfong doe de âlde tsjerke, dy't oan de Pastoryleane stien hat op it plak fan it noch besteande tsjerkhôf. Oarspronklik lei it sintrum fan it doarp dêr. Yn 'e rin fan 'e tiid ferskode de bebouwing nei it suden om't de grûn ynklonk en it grûnwetter swierrichheden joech.

By de bou fan 'e hjoeddeiske neoklassistyske tsjerke waard it ôfbraakmaterjaal fan 'e âlde tsjerke op 'e nij brûkt.

Ynrjochting

Ut de âlde tsjerke is noch it 15e-iuwske sânstiennen doopfont ôfkomstich. Ek de yn 1634 troch Nicolas Sickmans getten liedklok hat yn 'e toer fan 'e âlde tsjerke hongen.

Oargel

Bakker & Timmenga boude yn 1911 it oargel, in ienmanualich ynstrumint mei acht registers en in oanhongen pedaal. Yn 2002-2003 restaurearre Mense Ruiter it oargel. It ynstrumint is sûnder feroarings bewarre bleaun.

Sjoch ek

• Katarinatsjerke, Roan

Keppeling om utens

• Orgels in Drenthe: skiednis en disposysje oargel

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Jakobstsjerke, Roan fan Wikimedia Commons.