Jan Krol (akteur)

Jan Krol (Drouwen, 21 augustus 1962 – Hurderwyk, 15 jannewaris 2023) wie in Nederlânske akteur en clown.

Jan Krol (akteur)
akteur
Jan Krol as Bartje (1972)
persoanlike bysûnderheden
nasjonaliteit	Nederlânsk
berne	21 augustus 1962
berteplak	Drouwen
stoarn	15 jannewaris 2023
stjerplak	Hurderwyk
reg. identiteit	Drinsk

Karriêre

Krol waard bekend troch syn rol as de jonge Bartje yn de Nederlânske telefyzjesearje dy't fan desimber 1972 ôf troch de NCRV útstjoerd waard. Hy spile mei yn de earste fiif fan de sân ôfleveringen.

Nei de havo folge Krol de hbo-oplieding jeugdwelzenwerk yn Ljouwert. Nei syn oplieding gie er wurkjen yn in sintrum foar epilepsiebestriding en gie er dêrnei foar stúdzje nei Dútslân. Krol waard learaar yn Weimar, dêr't er skoalsirkus Waldorfschule opsette. Hy kaam werom nei Nederlân om in clownsoplieding te folgjen yn Amsterdam.

Krol rekke belutsen by de Stichting Anders Beleven (letter: Het Beter Gezelschap), dy't personiel yn de soarch 'sintúchlik prikelet' en by it yn 2001 oprjochte ynternasjonaal teäterselskip Sign Dance Collective. Krol wurke yn de soarch en wie aktyf as freelance akteur en clown. Teffens wied er dosint en regisseur by jeugdsirkus Blixem.

Krol stoar yn de âldens fan 60 jier yn in hospice yn syn wenplak Hurderwyk oan de gefolgen fan in harsenstumor dy't yn desimber 2022 fêststeld wie.

Boarnen, noaten en referinsjes

Boarnen, noaten en/as referinsjes:

De Krant van Toen, Een haat-liefde verhouding met de Bartje-status s. 8 pagina 10 Nieuwsblad van het Noorden, Marieke Kwak, 13 augustus 2016 RTV Drenthe, Na halve eeuw, dokumintêre oer legindaryske searje 'Bartje' Foar mear referinsjes sjoch nl:Jan Krol (acteur)