Jehannestsjerke (Toppenhuzen)

De Jehannestsjerke yn Toppenhuzen yn 'e gemeente Súdwest Fryslân is in tsjerkegebou fan de PKN-gemeente Toppenhuzen-Twellingea. De tsjerke is in ryksmonumint.

Jehannestsjerke
De tsjerke yn 2023
Lokaasje
lân	Nederlân
provinsje	Fryslân
gemeente	Súdwest Fryslân
plak	Toppenhuzen
adres	Tsjerkebuorren 1
koördinaten	53° 00' N 5° 41' E
Tsjerklike gegevens
tsjerkegenoatskip	PKN
patroanhillige	Jehannes de Doper
Arsjitektuer
boujier	1695 Toer: 1817
monumintale status	ryksmonumint
monumintnûmer	39808
Webside
PKN-gemeente Toppenhuzen-Twellegea
Kaart

Skiednis

De tsjerke ferfong in midsiuwske tsjerke dy't foar de reformaasje oan Jehannes de Doper wijd wie en ta de Johaniter kommanderij yn Snits hearde.

Tinkstien oan de earste stienlizzing fan de tsjerke

Op 22 july 1695 waard foar de hjoeddeiske tsjerke de earste stien lein troch Zeino Joachim fan Burmania (1681-1710), soan fan de grytman fan de gritenij Wymbritseradiel Sjuck Gerold Juckema fan Burmania (1652-1720).

De sealtektoer bleau ynearsten bestean, mar waard yn 1817 ek ferfongen troch de hjoeddeiske toer mei in ynsnuorre spits. Yn 1831 waard de tsjerke oan de eastlike kant langer makke en in gevelstien betinkt it iepenjen fan in yngong yn de westlike toer.

De eardere pastorij oan de Tsjerkebuorren 43 waard yn 1866 boud neffens in ûntwerp fan A. Breunissen Troost en is ek in ryksmonumint.

Ynrjochting

Yn 'e toer hinget in klok fan Geert fan Wou út 1483. It mechanyske oerwurk datearret fan 1816.

Oargel

It oargel waard yn 1909 boud troch Bakker & Timmenga út Ljouwert. It ferfong doe in âlder oargel út 1821 fan Albertus fan Gruisen. It oargel waard yn 2003 restaurearre.

Keppeling om utens

• Disposysje oargel

Publikaasjes

• R. Steensma "It Bestek fan de yn 1695 nij to bouwen tsjerke yn Toppenhuzen(1969)"
• J. van der Bij "Pastoars, dûmnys en tsjerkefolk yn Top & Twel"

Boarnen, noaten en referinsjes

Boarnen, noaten en/as referinsjes:

Reliwiki, oproppen 24 july 2023 Commons Wikimedia Commons  Ofbylden dy't by dit ûnderwerp hearre, binne te finen yn de kategory Jehannestsjerke, Toppenhuzen fan Wikimedia Commons.