Lutherstadt Wittenberg

Lutherstadt Wittenberg is in plak yn 'e Dútske dielsteat Saksen-Anhalt yn 'e lânkring Wittenberg. De stêd leit oan 'e rivier de Elbe, goed 100 kilometer súdwestlik fan Berlyn en sa'n 70 km noardeastlik fan Leipzig.

Lutherstadt Wittenberg
Merkplein mei it âlde stedhûs, it stânbyld Maarten Luther en de Stedstsjerke.
Emblemen
Bestjoer
Lân	Dútslân
Dielsteat	Saksen-Anhalt
Lânkring	Wittenberg
Sifers
Ynwennertal	45.588 (31.12.2023)
Oerflak	240,4 km²
Befolkingsticht.	190 ynw./km²
Hichte	75 m
Oar
Stifting	1293 (stedsrjochten)
Postkoade	06886, 06889, 06895
Tiidsône	CET/CEST (UTC+1/+2)
Koördinaten	51° 52' N 12° 39' E
Offisjele webside
lutherstadt-wittenberg.de
Kaart

Wittenberch wie yn it ferline de residinsje fan de karfoarst fan Saksen, in weardichheid dat droegen waard troch de hartoggen fan Saksen-Wittenberch. Teffens is de stêd nau ferbûn mei Maarten Luther en it begjin fan de protestantske refomaasje; ferskate oerbleaune gebouwen kinne assosjearre wurde mei in wichtich barren út dy tiid, de 16e iuw. In part fan it Augustynsk kleaster dêr’t Luther tahold, earst as muonts en letter as eigner mei frou en bern, is bewarre bleaun en is distiid it belangrykste museum dat oan Luther wijd is yn de wrâld. In tal gebouwen en monuminten ta oantins fan de reformator en Melanchthon binne yn 1996 ûnder de namme Lutherbetinkplakken yn Eisleben en Wittenberg op de wrâlderfgoedlist fan UNESCO kaam.

It besjen wurdich

• Lutherbetinkplakken:
  • Lutherhûs (Wittenberg)
  • Melanchthonhûs (Wittenberg)
  • Steds- of Marijetsjerke
  • Slottsjerke
• Oan 'e Merk (Markt) steane it 16e-iuwske renêssânse riedshûs en ferskillende renêssânse hûzen. Op it plein steane ek 19e-iuwske bylden fan Maarten Luther en Philipp Melenchthon.
• It Slot fan Wittenberg is de eardere residinsje fan 'e Saksyske karfoarsten. Sûnt 1489 waard it folslein op 'e nij boud en it wie by de foltôging yn 1525 ien fan 'e moaiste Dútske kastielen fan 'e iere renêssânse. Nei de brannen fan 1760 en 1814 bleau der net in soad fan syn âlde gloarje oer.

Ferneamde ynwenners

• Katharina von Bora - earder non en frou fan Maarten Luther
• Maarten Luther - teolooch en reformator (1508-1521 en 1522-1546)
• Lucas Cranach - keunstskilder en apoteker
• Philipp Melanchthon - teolooch

Galery

• 
  Riedshûs.
• 
  Slottsjerke.
• 
  Steds- of Marijetsjerke.
• 
  It Augusteum en Lutherhûs.
• 
  Hûs fan Philipp Melanchthon.

• 
  Hundertwasserschule
  skoalle fan Friedensreich Hundertwasser.
• 
  De rivier Elbe yn Wittenberg.
• 
  Sicht op it âlde Wittenberg fan de slottsjerketoer ôf.
• 
  Leucorea Universiteit.
• 
  Brêge oer de Elbe ûnder Wittenberg.

Keppeling om utens

• Fotogalery Wittenberg

Ofbylden dy't by dit ûnderwerp hearre, binne te finen yn de kategory Wittenberg fan Wikimedia Commons.