Magrebsliepmûs

De Magrebsliepmûs (Latynske namme: Eliomys munbyanus) is in sûchdier út it skift fan 'e kjifdieren (Rodentia), de famylje fan 'e sliepmûzen (Gliridae) en it skaai fan 'e ikelmûzen (Eliomys), dat foar it earst wittenskiplik beskreaun waard yn 1856. Dizze soarte is nau besibbe oan 'e bekendere ikelmûs (Eliomys quercinus).

Magrebsliepmûs
taksonomy
ryk dieren (Animalia) stamme rêchstringdieren (Chordata) klasse sûchdieren (Mammalia) skift kjifdieren (Rodentia) famylje sliepmûzen (Gliridae) skaai ikelmûzen (Eliomys)
soarte
Eliomys munbyanus
Pomel, 1856
IUCN-status: net bedrige
ferspriedingsgebiet

Fersprieding en biotoop

De Magrebsliepmûs is in nachtdier dat, sa't de namme al seit, foarkomt yn 'e Magreb. It ferspriedingsgebiet fan 'e Magrebsliepmûs omfiemet hast hiele Marokko, noardlik en noardwestlik Algerije, it noardlike twatrêde diel fan Tuneezje en yn Lybje de kustline fan Tripolitaanje. Dêrnjonken besteane der noch twa isolearre populaasjes yn 'e Sahara, ien yn Lybje, yn 'e eastlike Fezzan, en de oare yn Mauretaanje en de Westlike Sahara, oan 'e kust fan 'e Atlantyske Oseaan. It natuerlike biotoop fan 'e Magrebsliepmûs rint útinoar fan fochtich wâldlân oant healwoastinen.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References en Further reading, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Eliomys munbyanus fan Wikimedia Commons.