Sliepmûzen

De sliepmûzen (wittenskiplike namme: Gliridae) foarmje in famylje fan 'e klasse fan 'e sûchdieren (Mammalia), it skift fan 'e kjifdieren (Rodentia) en it ûnderskift fan 'e iikhoarntsjes en sliepmûzen (Sciuromorpha). Dizze famylje omfettet 29 libbene soarten, wêrfan't de sânslieper, de ikelmûs, de hazzemûs en de beamslieper it bekendst binne.

Sliepmûzen
In sânslieper (Glis glis).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	kjifdieren (Rodentia)
ûnderskift:	iikhoarntsjes en sliepmûzen (Sciuromorpha)
famylje:	sliepmûzen (Gliridae)
Muirhead, 1819

Skaaimerken

Sliepmûzen binne lytsige kjifdieren mei in lichemslingte fan 6-19 sm en in gewicht fan 15-180 g. Hoewol't se folle nauwer oan iikhoarntsjes besibbe binne as oan mûzen, lykje se mear op mûzen, útsein wat har swierbehierre sturt oangiet, dy't mear tinken docht oan 'e plomsturt fan in iikhoarntsje. De measte (mar net alle) soarten sliepmûzen libje yn 'e beammen, en foar it meastepart binne it nachtdieren. Se hawwe allegear in treflik gehoar. Sliepmûzen binne omnivoaren, dy't benammen fruchten, beien, blommen, nuten en ynsekten frette. By 't winter hâlde sliepmûzesoarten dy't foarkomme yn noardliker kontreien in wintersliep dy't wol sân moanne duorje kin. De wyfkes produsearje ien of soms twa nêsten jongen jiers. Har libbensferwachting is oant fiif jier.

Famylje-opbou

famylje sliepmûzen (Gliridae) ûnderfamylje Afrikaanske sliepmûzen (Graphiurinae) skaai Afrikaanske sliepmûzen (Graphiurus) Angoleeske sliepmûs (Graphiurus angolensis) brilsliepmûs of namtap (Graphiurus ocularis) christysliepmûs of Christy's sliepmûs (Graphiurus christyi) jentinksliepmûs of Jentinks sliepmûs (Graphiurus crassicaudatus) johnstonsliepmûs of Johnstons sliepmûs (Graphiurus johnstoni) kellensliepmûs of Kellens sliepmûs (Graphiurus kelleni) Lorrainsliepmûs (Graphiurus lorraineus) lytsearsliepmûs (Graphiurus microtis) monardsliepmûs of Monards sliepmûs (Graphiurus monardi) nagtglassliepmûs of Nagtglas' sliepmûs (Graphiurus nagtglasii) pinsielsturtsliepmûs (Graphiurus murinus) rotssliepmûs (Graphiurus platyops) stiensliepmûs (Graphiurus rupicola) stille sliepmûs (Graphiurus surdus) walterverheyensliepmûs of Walter Verheyens sliepmûs (Graphiurus walterverheyeni) ûnderfamylje Bransatoglirinae † skaai Oligodyromys † skaai Bransatoglis † Bransatoglis adroveri † Bransatoglis planus † ûnderfamylje echte sliepmûzen (Glirinae) skaai Japanske sliepmûzen (Glirulus) Japanske sliepmûs (Glirulus japonicus) skaai sânsliepers (Glis) sânslieper (Glis glis) ûnderfamylje Jeraziatyske sliepmûzen (Leithiinae) skaai Baleaarske sliepmûzen (Hypnomys) † Majorkareuzesliepmûs (Hypnomys morphaeus) † Minorkareuzesliepmûs (Hypnomys mahonensis) † skaai beamsliepers of bosksliepmûzen (Dryomys) Balûtsjistanbeamslieper of Balûtsjistanbosksliepmûs (Dryomys niethammeri) beamslieper of bosksliepmûs (Dryomys nitedula) wolhierrige beamslieper of wolhierrige bosksliepmûs (Dryomys laniger) skaai hazzemûzen (Muscardinus) hazzemûs (Muscardinus avellanarius) skaai ikelmûzen (Eliomys) Afro-Aziatyske woastynsliepmûs (Eliomys melanurus) Brylske sliepmûs (Eliomys briellensis) † ikelmûs (Eliomys quercinus) Magrebsliepmûs (Eliomys munbyanus) skaai mûssliepers (Myomimus) mûsslieper, ognevsliepmûs of Ognevs sliepmûs (Myomimus roachi) setzermûsslieper of Setzers mûsslieper (Myomimus setzeri) Transkaspyske sliepmûs (Myomimus personatus) skaai Sineeske sliepmûzen (Chaetocauda) Sineeske sliepmûs (Chaetocauda sichuanensis) skaai woastynsliepmûzen (Selevinia) Sintraalaziatyske woastynsliepmûs (Selevinia betpakdalaensis)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References en Further reading, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Gliridae fan Wikimedia Commons.