Martinstein

Martinstein is in plak yn lânkring Bad Kreuznach yn de Dútske dielsteat Rynlân-Palts. Mei 39 hektare is Martinstein kwa oerflakte de lytste gemeente fan Dútslân.

Martinstein
Emblemen
Bestjoer
Lân	Dútslân
dielsteat	Rynlân-Palts
lânkring	Bad Kreuznach
Sifers
Ynwennertal	257 (2021)
Oerflak	0,39 km²
Befolkingsticht.	659 ynw./km²
Hichte	190 m.
Oar
Postkoade	55627
Koördinaten	49° 48' N 7° 32' E
Offisjele webside
www.bad-sobernheim.de
Kaart

Lizzing

Martinstein leit fuortdaliks oan 'e lofterigge fan 'e Nahe. Yn it noarden ferriist de Hunsrück, yn it suden it Nordpfälzer Bergland. Yn it westen lizze Simmertal en Hochstetten-Dhaun, yn it easten Weiler bei Monzingen en Merxheim.

Skiednis

It doarp waard yn de hege midsiuwen stichte op in krusing fan de Nahe yn it distrikt Simmern ûnter Dhaun. Yn 1340, ûnder de "Dhaun Feud" tsjin de Wildgrafen auf Dhaun, boude de aartsbiskop fan Mainz in kastiel boppe it doarp, en twa jier letter krige it doarp stedsrjochten. Yn 1518 krige Martinstein in eigen lytse parochy. Yn de 18e iuw kaam it stedsje yn it besit fan it markgraafskip Baden en waard it ûnderhearrich oan it amt Naumburg. Fan 1798 oant 1814 wie Martinstein yndield by it Frânske kanton Sobernheim yn it departemint Donnersberg. Troch de ôfspraken dy't op it Kongres fan Wenen makke waarden, waard de regio, dat ek Martinstein, yn 1815 ûnderdiel fan it Keninkryk Prusen. De gemeente waard bestjoerd troch it boargemasterskip fan Monzingen yn it distrikt Kreuznach yn it administrative distrikt Koblenz.

Yn 1966 waard de gemeentegrins sa wizige dat de parten fan it plak dy't oant dan ta op grûn fan Simmern unter Dhaun, Weiler bei Monzingen en Merxheim leine, by Martinstein kamen.

Untwikkeling fan de befolking

De ûntjouwing fan it tal ynwenners fan Martinstein, de wearden fan 1871 oant 1987 binne basearre op folkstellingen.

Jier Ynwennertal 1815 132 1835 202 1871 188 1905 194 1939 295 1950 345

Jier Ynwennertal 1961 367 1970 368 1987 351 1997 354 2005 341 2015 301

Bestjoer

Martinstein is in Ortsgemeinde en heart sûnt 2020 by de ferbânsgemeente Nahe-Glan.

Ofbylden dy't by dit ûnderwerp hearre, binne te finen yn de kategory Martinstein fan Wikimedia Commons.

Boarnen, noaten en referinsjes

Boarnen, noaten en/as referinsjes:

de:Martinstein