Petrustsjerke (Twizel)

De Petrustsjerke is de foarhinne herfoarme tsjerke en tsjintwurdich de tsjerke fan de protestanske gemeente fan Twizel.

Petrustsjerke
Sint-Petruskerk, Twijzel.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Flag of Achtkarspelen.svg Achtkarspelen
plak Twizel wapen.svg Twizel
adres Tsjerkebuorren 15
bysûnderheden
type bouwurk Tsjerke
boujier 1692
webside Side Protestanske Gemeente Twizel

SkiednisBewurkje

 
Tekening fan de tsjerke neffens Stellingwerf

De tsjintwurdige Petrustsjerke mei in trijesidich koer datearret út 1692 en ferfong eartiids in âlder gebou út de 13e iuw. De diels noch út dowestien besteande toer is âlder en 13e iuwsk. De toer is yn 1787 foar in part op 'e nij boud en krige doe yn stee fan in spits in sealtek.[1] Oan de eastlike kant fan de toer is te sjen dat it dak fan de tsjerke ea heger west hat. Om de kosten fan de ferwaarming leech te hâlden krige de noarlike muorre gjin ramen.

Yn de midsiuwen foel Twizel ûnder de parochy fan Stynsgea. Troch in beskriuwing oer abt Sierd fan Hallum út 1245 is it bekend dat de tsjerke yn de katolike tiid oan Petrus wijd wie.

De tsjerke stiet op in fjouwer oant fiif meter hege terp út de tiid fan foar it kristenjen en hat doe in plak west dêr't heidenske riten útfierd waarden. Ut dizze tiid stamt in balstien by de opgong fan de terp mei in ynbeitele krús. It wie doedestiids wênst om heidenske plakken fan krusen te foarsjen om it kristenjen fêst te lizzen.[2]

YnterieurBewurkje

Yn de tsjerke stiet in 18e iuwske preekstoel, dy't foar 1925 fan de súdlike muorre nei it koer fan de tsjerke ferhûze. Ek yn 1925 waard de glês-yn-leadramen yn art deco styl ynbrocht. De saneamde Kloostermanbank foaroan yn de tsjerke datearret út de 18e iuw. Yn de muorre fan it koer binne twa sarken ynmitsele; mear sarken lizze ûnder de flier.[3]

It ynterieur waard yn 2014 restaurearre.

OargelBewurkje

It oargel op de westlike galerij fan de Petrustsjerke waard yn 1905 boud troch de Ljouwerter oargelfirma Bakker & Timmenga.[4]

Keppeling om utensBewurkje

Boarnen, noaten en referinsjesBewurkje

Boarnen, noaten en/as referinsjes: