Prêrjehinnen

De prêrjehinnen, ek stavere as prêryhinnen of prairiehinnen, (wittenskiplike namme: Tympanuchus) foarmje in skaai fan 'e klasse fan 'e fûgels (Aves), it boppeskift fan 'e goes- en hineftigen (Galloanserae), it skift fan 'e hineftigen (Galliformes), de boppefamylje fan 'e fazantfûgels (Phasianoidea), de famylje fan 'e fazanteftigen (Phasianidae), de ûnderfamylje fan 'e echte fazanten (Phasianinae) en de tûke fan 'e rûchpoathinnen (Tetraonini).

prêrjehinnen
In lytse pêrjehin (Tympanuchus pallidicinctus).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
ûnderklasse:	moderne fûgels (Neornithes)
tuskenklasse:	nijkakigen (Neognathae)
boppeskift:	goes- en hineftigen    (Galloanserae)
skift:	hineftigen (Galliformes)
boppefamylje:	fazantfûgels (Phasianoidea)
famylje:	fazanteftigen (Phasianidae)
ûnderfamylje:	echte fazanten (Phasianinae)
tûke:	rûchpoathinnen (Tetraonini)
skaai:	prêrjehinnen (Tympanuchus)
Gloger, 1841

Beskriuwing

Dit skaai omfettet trije soarten lytsere rûchpoathinnen, dy't foarkomme yn Noard-Amearika en benammentlik op 'e prêrje libje. Eltse soarte is oanpast oan in oar type prêrje. By de balts meitsje de hoannen toetsjende lûden en dûnsje mei de kop útrutsen nei foarren ta, de sturt omheech en harren kleurrike halspûden opset mei lucht. De wittenskiplike namme fan it skaai, dat yn 1841 troch de Dútske soölooch Constantin Wilhelm Lambert Gloger yn 'e taksonomy yntrodusearre waard, kombinearret de Aldgrykske wurden tympanon of tumpanon, dat "pauk" betsjut mei echeo, dat "leven meitsje" betsjut.

Soarten

skaai prêrjehinnen (Tympanuchus) lytse prêrjehin (Tympanuchus pallidicinctus) prêrjehin of grutte pêrjehin (Tympanuchus cupido) heidehin (Tympanuchus cupido cupido) † stikelsturthin (Tympanuchus phasianellus)

De útstoarne heidehin fan 'e eastkust fan 'e Feriene Steaten wurdt ornaris beskôge as in ûndersoarte fan 'e prêrjehin, mar guon autoriteiten behannelje dat bist as in selsstannige soarte.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Tympanuchus fan Wikimedia Commons.