Rita Cardinale
Rita Cardinale, echte namme ûnbekend (Boedapest, 22 febrewaris 1975), is in rêstend Hongaarsk neakenmodel, pornografysk aktrise en pornoregisseur, dy't dy't ek wol gebrûk makke fan 'e artystenammen Rita Geil, Rita Szábo, Rita Diamond, Rita Sušić en Bianca Ascari. Hja sette yn 1997 útein mei in karriêre as pornoaktrise, wêrby't hja sawol foar Jeropeeske as Amerikaanske studio's wurk. Yn 2004 loek Cardinale har út 'e pornoyndustry werom.
| Rita Cardinale | ||
 persoan yn de seksyndustry
| ||
| persoanlike bysûnderheden | ||
| oare artyste- nammen |
Rita Geil, Rita Szábo, Rita Diamond, Rita Sušić, Bianca Ascari | |
| echte namme | ûnbekend | |
| nasjonaliteit |  Hongaarsk
| |
| berne | 22 febrewaris 1975 | |
| berteplak | Boedapest (Hongarije) | |
| etnisiteit | Hongaarsk
| |
| wurkpaad | ||
| wurksum as | neakenmodel, pornoaktrise, regisseur | |
| jierren aktyf | 1997 – 2004 | |
| offisjele webside | ||
| gjint | ||
Libben en karriêre
bewurkje seksjeCardinale waard yn 1975 berne yn 'e Hongaarske haadstêd Boedapest. Se makke yn 1997 mei 22 jier har debút yn in pornografyske film. Neffens de Internet Adult Film Database (IAFD) spile hja neitiid yn totaal yn 38 pornofilms. Yn 't earstoan wurke hja benammen gear mei de Frânske regisseur Pierre Woodman, foar it Sweedske Private-label, lykas yn 'e film Tatiana 1, út 1997.
Fierders wurke Cardinale ek foar oare Jeropeeske filmstudio's, lykas it Frânske Vidéo Marc Dorcel. Letter yn har karriêre wie se yn 't spier foar Amerikaanske labels, lykas Evil Angel, Anabolic Video en Elegant Angel. Tusken 1998 en 2001 regissearre Cardinale eigenhandich fjouwer pornofilms foar de minder bekende studio's XY Video en VCX. Uteinlik loek se har yn 2004 foargoed út 'e pornoyndustry werom.
Lichemsskaaimerken
bewurkje seksjeCardinale is blank en hat swart hier en blauwe eagen. Neffens har offisjele opjefte is se 1.67 m lang, en hie se ûnder har karriêre in gewicht fan 59 kg. Se hat kupmaat 34C, dêr't se in boarstfergruttingsoperaasje foar ûndergien hie. Cardinale hat tatoeaazjes noch piercings.
Keppelings om utens
bewurkje seksje- (in) Biografy en filmografy fan Rita Cardinale yn 'e Internet Movie Database (IMDb)
- (in) Biografyske gegevens en filmografy fan Rita Cardinale yn 'e Internet Adult Film Database (IAFD)
- (in) Biografyske gegevens fan Rita Cardinale op FreeOnes
| Boarnen, noaten en/as referinsjes: |