Stasjon Laren-Almen

Stasjon Laren-Almen (Lr) is in earder stasjon oan de Steatsline D yn Laren yn de gemeente Lochem yn de provinsje Gelderlân. It stasjon wie in standertstasjon fan de Steatsspoarwegen type SS fiifde klasse en is ien fan de achtentritich stasjons dy 't ea yn dizze klasse boud is en ien fan de njoggen stasjons fan dit type dy't noch oanwêzich is.

Stasjon Laren-Almen station Laren-Almen
Stasjon Laren-Almen yn 2018
lokaasje
lân	Nederlân
Provinsje	Gelderlân
Gemeente	Lochem
plak	Laren
adres	Zutphenseweg
arsjitektuer
stasjonskoade	Lr
type	Trochgongsstasjon
iepening	1 novimber 1865
sluting	15 maaie 1938
boujier	1863
arsjitekt	Karel Hendrik van Brederode
monumintale status	Gemeentlik monumint
monumintnûmer	0262/LCH310
oare ynformaasje
spoarline	Steatsline D
kaart

Gebou

It stasjonsgebou kaam yn 1865 ree en waard iepene op 1 novimber 1865 foar treinreizgers doe't ek dit part fan it spoar fan Steatsline D oanlein wie. Yn 1914 is oan de linkerkant in fleugel oanboud en krige it middenpart der in ferdjipping by. It stasjon waard sletten yn 1938. It stasjonsgebou is hjoed-de-dei partikulier besit.

Namme

By de iepening hjitte it stasjon, stasjon Harkelbrug, ferneamd nei de brêge oer de Harfense Beek. Letter waard de namme stasjon Laren-Almen. Yn 1925 feroare it Ministearje fan Wettersteat mei yngong fan de nije tsjinstregeling de namme yn stasjon Laren.

Boarnen, noaten en referinsjes

Boarnen, noaten en/as referinsjes:

Wikipedy:NL (ned) stationsweb.nl Commons Wikimedia Commons  Ofbylden dy't by dit ûnderwerp hearre, binne te finen yn de kategory Laren-Almen train station fan Wikimedia Commons.