Stienwikerwâld

Stienwikerwâld (Nederlânsk en offisjeel: Steenwijkerwold; Nedersaksysk: Steenwiekerwold) is in doarp yn Oerisel, 3 kilometer noardwest fan Stienwyk. It doarp hat falt ûnder de gemeente Stienwikerlân en hat sa'n 2000 ynwenners. It leit yn de saneamde 'Kop fan Oerisel'.

Protestantske Andreastsjerke, Stienwikerwâld

De Sint-Andreästsjerke

Eartiids waard de namme brûkt om in boskige krite om Stienwyk mei oan te tsjutten. De ferskate oare buorskippen yn de omkriten soenen letter ûnder de gemeente Stienwikerwâld falle. It hjoeddeiske doarp Stienwikerwâld bestiet út de mei-elkoar fergroeide buorskippen Gelderingen en Kerkbuert, en it wat fierderop lizzende Thij.
It plak is mei iepenbier ferfier te berikken mei line 76 Emmeloard - Oldemarkt - Stienwyk.

Berne

• Jan Pit (1941-2008), sindeling, kristlik skriuwer en sprekker
• Johannes ter Schure (1922-2003), biskop fan Bisdom De Bosk (1985-1998)
• Johannes Wardenier, útfiner brânstofleaze motor

Ferneamde ynwenners

• Josje Huisman (1986), sjongster fan K3 en dûnseresse - (opbrocht yn Stienwikerwâld)
• Carla Zielman (1984), maratonreedriidster
• Sophie van Kleef, ferneamd fan it ferske Zij dronk ranja met een rietje, mijn Sophietje

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Steenwijkerwold fan Wikimedia Commons.