Tanya Hansen
Tanya Hansen, echte namme: Tanja Karina Hansen (Jessheim, 11 septimber 1973), is in rêstend Noarsk neakenmodel, stripper, pornografysk aktrise en pornoprodusinte, dy't berne is yn it plakje Jessheim, yn it distrikt Åkershus. Se wurdt beskôge as de earste Noarske pornostjer en is yn har heitelân tige ferneamd (ferlykber mei Cicciolina yn Itaalje of Kim Holland yn Nederlân)
| Tanya Hansen | ||
 persoan yn de seksyndustry
| ||
| persoanlike bysûnderheden | ||
| echte namme | Tanja Karina Hansen | |
| nasjonaliteit |  Noarsk
| |
| berne | 11 septimber 1973 | |
| berteplak | Jessheim (Noarwegen) | |
| etnisiteit | Noarsk
| |
| wurkpaad | ||
| wurksum as | neakenmodel, stripper, pornoaktrise, produsinte | |
| jierren aktyf | 1996 – 2004 | |
| offisjele webside | ||
| gjint | ||
Libben
bewurkje seksjeNei't hja de middelbere skoalle ôfmakke hie, ferfear hja nei de Noarske haadstêd Oslo, dêr't hja optrede yn stripklubs en al rillegau ek posearre foar ûnderskate neakenblêden, sawol Noarske as bûtenlânske. Har earste ynternasjonale bekendheid krige se yn 1996 mei in fotorapportaazje yn it Amerikaanske blêd Busty Beauties, in susterútjefte fan Larry Flynt syn Hustler. Datselde jiers makke Hansen teffens har debút yn in pornografyske film, wêrnei't se, neffens de Internet Adult Film Database (IAFD), yn 13 pornofilms spile oant se har yn 2004 weromloek út 'e pornoyndustry.
Yn 'e midden fan 'e jierren njoggentich wenne hja in hoart yn Spanje en Sweden, mar letter kearde se werom nei Noarwegen, dêr't se har nei wenjen sette yn it Eastnoarske Halden. Njonken har aktear- en posearwurk wie se yn dyselde snuorje ek wurksum as produsinte fan pornofilms en as redakteur fan twa Noarske pornobledsjes, Lek en Cocktail. Yn 1999 presintearre se it programma Opptur op 'e Noarske radiostjoerder NRK P3.
Nei't se yn 2004 stoppe wie mei har wurk as pornoaktrise, iepene se in eigen kleanbûtyk, Paparazzi, yn it winkelsintrum Tista oan 'e rivier de Tista, yn Halden, en dêrnjonken de online-winkel Fashion Diva. Se ferskynde ek yn advertinsjes yn kranten en tydskriften en yn reklamespotsjes op 'e tillefyzje foar it Noarske telekombedriuw Telenor.
Prizen en nominaasjes
bewurkje seksje| Jier | Priis | Resultaat | Kategory | Foar har optreden yn |
|---|---|---|---|---|
| 2001 | Venus Award | wûn | bêste Jeropeeske aktrise | n.f.t. |
| 2003 | Venus Award | wûn | bêste aktrise út Skandinaavje | n.f.t. |
Keppelings om utens
bewurkje seksje- (in) Biografy en filmografy fan Tanya Hansen yn 'e Internet Movie Database (IMDb)
- (in) Biografyske gegevens en filmografy fan Tanya Hansen yn 'e Internet Adult Film Database (IAFD)
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |