The Fox and the Hound

The Fox and the Hound is in Amerikaanske dramafilm yn 'e foarm fan in lange tekenfilm út 1981. De film, de 24e jûnfoljende tekenfilm dy't makke waard troch de Walt Disney Productions, stie ûnder rezjy fan Ted Berman, Richard Rich, en Art Stevens. De wichtichste rollen waarden ynsprutsen troch stimakteurs Mickey Rooney en Kurt Russell. De titel betsjut "De foks en de jachthûn".

The Fox and the Hound
film
(Filmposter yn 'e Ingelske Wikipedy)
makkers
regisseur	Ted Berman Richard Rich Art Stevens
produsint	Ron Miller Wolfgang Reitherman Art Stevens
senario	Larry Clemmons Ted Berman David Michener Peter Young Burny Mattinson Steve Hulett Earl Kress Vance Gerry
basearre op	The Fox and the Hound fan Daniel P. Mannix
muzyk	Buddy Baker
filmstudio	Walt Disney Productions
distribúsje	Buena Vista Distribution
spilers
haadrollen	Mickey Rooney Kurt Russell
byrollen	Pearl Bailey Jack Albertson Jeanette Nolan Pat Buttram John Fiedler John McIntire Dick Bakalyan Paul Winchell Keith Mitchell Corey Feldman
skaaimerken
lân/lannen	Feriene Steaten
premiêre	10 july 1981
foarm	lange tekenfilm
sjenre	dramafilm
taal	Ingelsk
spyltiid	83 minuten
budget en resultaten
budget	$12 miljoen
opbringst	$63,5 miljoen
filmsearje
● folgjend diel	The Fox and the Hound 2

The Fox and the Hound ferhellet fan de freonskip tusken de foks Tod en de jachthûn Copper. De film is loskes basearre op Daniel P. Mannix syn roman mei deselde namme. De film bringt wol in pear wizigings oan yn it ferhaal. It roman hat in realistysker ferhaal.

The Fox and the Hound waard útbrocht op 10 july 1981. Yn 2006 kaam in ferfolch op de film út ûnder de namme The Fox and the Hound 2.

Ferhaal

Copper is in hûntsje dy't troch syn baas ta jachthûn ûnderjochte wurdt en Tod is in fokske sûnder âlden, dy't troch widdo Tweed, in âld wiif, grutbrocht wurdt. De twa moetsje elkoar al mei jonge jierren en wurde freonen dy't net sûnder elkoar kinne. Sy hawwe lykwols gjin aan fan it feit dat hja natuerlike fijannen binne en dat hja letter tsjin elkoaroer stean sille te kommen.

It needlot slacht ta at de twa folwoeksen wurde. Copper, troch syn baas Amos Slade oplaat ta jachthûn, moat tenei ek op foksen jeije. Op in jûn wurdt Tod troch Slade en syn hûnen opjage. By de jacht rekket Slade syn oare hûn, Chief, ferwûne at er troch in trein oanriden wurdt. Slade en Copper binne fan betinken dat Tod der de skuld fan is. Widdo Tweed beseft dat Tod langer nei feilich is en beslút om him werom te bringen nei de wildernis. Dêr moetet er Vixey, in oare foks.

Op it hichtepunt fan de film giet Slade mei Copper op jacht nei Tod. Sy wurde lykwols oanfallen troch in bear. Fanwege Tod kinne sy ûntkomme, wêrnei't Copper en Tod harren skeel bylizze.

Rolferdieling

• Mickey Rooney as Tod
• Kurt Russell as Copper
• Pearl Bailey as Big Mama
• Jack Albertson as Amos Slade
• Sandy Duncan as Vixey
• Jeanette Nolan as Widow Tweed
• Pat Buttram as Chief
• John Fiedler as The Porcupine
• John McIntire as The Badger
• Dick Bakalyan as Dinky
• Paul Winchell as Boomer
• Keith Mitchell as de jonge Tod
• Corey Feldman as de jonge Copper

Nûmers

• "The Best of Friends"
• "Lack of Education"
• "A Huntin' Man"
• "Goodbye May Seem Forever"
• "Appreciate the Lady"

Ynternasjonale premiêres

• Argentynje: 23 july 1981
• Brazylje: 18 septimber 1981
• Feriene Keninkryk: 22 oktober 1981
• West-Dútslân: 13 novimber 1981
• Frankryk: 25 novimber 1981
• Spanje: 27 novimber 1981
• Sweden: 5 desimber 1981
• Finlân: 11 desimber 1981
• Nederlân: 24 desimber 1981
• Hongkong: 14 jannewaris 1982
• Noarwegen: 22 april 1982
• Japan: 12 maart 1983
• Denemark: 30 july 1995

Prizen en nominaasjes

Yn 1982 waard The Fox and the Hound nominearre foar trije prizen, dêr't ien fan wûn waard:

• De Saturn Award foar bêste fantasyfilm
• De Golden Screen (wûn)
• De Young Artist Award foar Best Motion Picture - Fantasy or Comedy - Family Enjoyment

Keppelings om utens

• (in) Offisjele webside fan The Fox and the Hound
• (in) Ynformaasje oer The Fox and the Hound yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.