Bookspan

Bookspan, offisjeel Bookspan LLC, is in Amerikaanske online-boekhannel dy't fêstige is yn New York.

Bookspan LLC
algemien
nasjonaliteit	Amerikaansk
type	privaat
sektor	boekhannel
haadkertier	New York (New York)
oprjochte	2000
mem	Pride Tree Holdings
offisjele webside
www.bookspan.com

Skiednis

It bedriuw waard oprjochte yn 2000, as in joint venture tusken Bertelsmann en Time Warner. Yn 2007 naam Bertelsmann it belang fan Time Warner oer, sadat Bookspan in folsleine dochterûndernimming fan dat Dútske concern waard. In jier letter, yn 2008, ferkocht Bertelsmann Bookspan oan Najafi Companies, in ynvestearringsbedriuw út 'e Amerikaanske steat Arizona. Najafi Companies brocht Bookspan ûnder by syn eigen dochterûndernimming Direct Brands, dêr't ek plateklub Columbia House diel fan útmakke. Yn 2013 waard Direct Brands troch Najafi ferkocht oan Pride Tree Holdings, in holding út New York op it mêd fan media en konsumintetechnology, dy't yn 2012 oprjochte wie.

Underdielen

Bookspan omfiemet in stikmannich boekeklubs en koartingprogramma's, wêrfan't guon ek eigen publikaasjes (benammen omnibusedysjes fan romansearjes) op 'e merk bringe. Anno 2017 binne dat:

• Crafter's Choice
• Crossings Book Club
• Doubleday Book Club
• The Good Cook
• History Book Club
• The Literary Guild
• Mystery Guild
• Science Fiction Book Club

Keppelings om utens

• (in) Offisjele webside fan Bookspan

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.