Trije-ienheidstsjerke (Irkûtsk)

De Tsjerke fan de Hillige Trije-ienheid (Russysk: Троицкая церковь, Troitskaja tsjerkov) is in otterdokse tsjerke fan it bisdom Irkûtsk yn Irkûtsk, Ruslân. De tsjerke is ien fan de âldste tsjerken fan de stêd, stiet yn it histoaryske sintrum en fertsjintwurdiget ien fan de moaiste foarbylden fan de Sibearyske barok.[1]

Trije-ienheidsjerke

Троицкая церковь

Lokaasje
lân flagge fan Ruslân Ruslân
oblast Irkûtsk
plak Irkûtsk
koördinaten 52° 17' N 104° 16' E
Arsjitektuer
boujier 1760-1778
boustyl Barok
monumintale status Monumint fan federaal belang
monumintnûmer 3810044003
Kaart
Trije-ienheidstsjerke (Ruslân)
Trije-ienheidstsjerke

Skiednis bewurkje seksje

De earste houten Trije-ienheidstsjerke waard yn 1718 oprjochte. Noch gjin fjirtich jier letter waard de tsjerke wer ôfbrutsen en begûn mei it ynsammeljen fan jild foar de bou fan in stiennen tsjerke. Wannear't de bou krekt begûn is net bekend, der wurdt fan út gien dat dit tusken 1754 en 1758 west hat. De wijding fan de folslein tsjerke wie op 22 septimber 1778 en sûnt dy tiid hawwe der gjin grutte feroarings en ferbouwings plakfûn.

 
De Trije-ienheidstsjerke yn 1910

De Trije-ienheidstsjerke waard yn 1930 sletten en ynearsten brûkt as ûnderkommmen foar de wurklju dy't de brêge oer de Angara bouden. Letter waard de tsjerke foar in part foar opslach brûkt en úteinlik waard der in planetarium yn ûnderbrocht. Yn de Sovjet-tiid gyng de ikonostaze ferlern en waarden de bysûndere 18e iuwske fresko's fan de tsjerke oerskildere. It planetarium moast yn 1986 de doarren slúte om't it ûnderhâld te winskjen oerliet. Ek de fûneminten wiene net mear yn oarder en yn de gevels sieten in soad skuorren. Der folge in renovaasje fan de tsjerke en yn 1994 waard de Trije-ienheidstsjerke wer oerdroegen oan it bisdom.

Yn it jier 2000 krige de toer wer in nij ferguld krús. Op Goedfreed 2003 waarden de klokken omheech takele, dy't mei Peaske foar it earst let waarden.[2]

Boarnen, noaten en referinsjes bewurkje seksje

Boarnen, noaten en/as referinsjes: