Irkûtsk

Irkûtsk (Russysk: Иркутск) is in stêd yn de Russyske Federaasje, haadstêd fan de oblast Irkûtsk. De stêd leit oan de rivier de Angara tusken de opslachmar fan Irkûtsk en de Baikalmar.

Irkûtsk
Flagge	Wapen
Sifers
Ynwennertal	617.249 (2022)
Oerflak	305 km² (ynkl. wetter)
Befolkingstichtens	2228,34 ynw./km²
Hichte	444 m
Polityk
Lân	Ruslân
Oblast	Irkûtsk
Gemeente	Stedsdistrikt
Oar
Stifting	1661, 1686 (stedsstatus)
Tiidsône	UTC+8
Koördinaten	57° 41' N 39° 49' E
Webside	admirk.ru

Lizzing fan de oblast Irkûtsk

Irkûtsk is it grutste ekonomyske, kulturele en fersoargjende sintrum fan East-Siberië; der is in grutte yndustriële sektor, dy't ûnder mear aluminiumyndustry (bauksyt út de Oeral), gemyske fabriken, masinebou (foar de mynbou yn de omkriten), houtferwurking en fiedingsmiddelenyndustry omfiemet. Der binne wetterkrêftsintrales by de keardaam en der is in piipline mei de ierdoalje- en ierdgasfjilden fan it Wolga-Oeralgebiet. It is in wichtich ferkearsknooppunt yn East-Siberië mei in stasjon oan it Trans-Sibearysk spoar en in belangrike lofthaven. De âlde stêd is frijwat rom oanlein en hat noch tal fan histoaryske pânen, meast fan hout. Fierders hat de stêd in universiteit (1918) en ferskate hegeskoallen, in polytechnysk ynstitút, de Sibearyske ôfdieling fan de nasjonale Akademy fan de Wittenskippen, ferskaat oan museums en teäters, in planetarium en de steatsbibleteek.

Tsjerken

• Epifanykatedraal
• Kazankatedraal (sloopt yn de jierren 1930)
• Kazantsjerke
• Krúsferheffingstsjerke
• Tsjerke fan Kristus de Ferlosser
• Vladimirtsjerke
• Aartsingel Michael- of Harlampostsjerke
• Bertetsjerke
• Trije-ienheidstsjerke
• Transfiguraasjetsjerke

Kleasters

• Znamensky-kleaster
• Himelfeartkleaster (sloopt yn de jierren 1930)

Commons

Ofbylden dy't by dit ûnderwerp hearre, binne te finen yn de kategory Irkutsk fan Wikimedia Commons.