Tsjerke fan Ginnum

De Tsjerke fan Ginnum is in eardere herfoarme tsjerke yn Ginnum.

Tsjerke fan Ginnum
Lokaasje
lân Nederlân
provinsje Fryslân
gemeente Noardeast-Fryslân
plak Ginnum
adres harstawei 7
koördinaten 53° 19' N 5° 52' E
Tsjerklike gegevens
patroanhillige ûnbekend
status net mear yn gebrûk as tsjerke
Arsjitektuer
boujier 12e iuw
boustyl romaanske arsjitektuer
monumintale status ryksmonumint
monumintnûmer 15615
Kaart
Tsjerke fan Ginnum (Fryslân)
Tsjerke fan Ginnum

Skiednis bewurkje seksje

De tsjerke waard yn de 12e iuw op in terp boud, dy't yn de 19e iuw grutdiels ôfgroeven is. It âldste diel fan de tsjerke is it diel yn de noardlike muorre, dy't noch fan dowestien is. Oan it ein fan de 13e iuw fûn in ferbouwing en fergrutting fan de tsjerke yn westlike rjochting plak. De tichtmitsele bôge oan de noardlike kant wiist op in eardere útbou dy't yn de katolike tiid as sakristy tsjinst dien hat. De toer is mooglik 15e-iuwsk.

Yn de jierren 1970 waard de tsjerke troch de Stifting Alde Fryske Tsjerken restaurearre. Doe is it hiele tsjerkemeubilêr der út sloopt en waard de romte ûnder de toer yn ferbining brocht mei de tsjerke.

Gebrûk bewurkje seksje

 
Fresko

Likernôch healwei de 20e iuw waard der foar it lêst in tsjinst yn de tsjerke fierd. Sûnt dy tiid tsjerket Ginnum yn Reitsum. Eigner is tsjintwurdich de Stifting Alde Fryske Tsjerken, dy't it gebou brûkt as atelier foar keunstners.

Ynterieur bewurkje seksje

Fan it âlde ynterieur is yn de tsjerke neat bewarre bleaun. De preekstoel, de Roordabank en de gewoane tsjerkebanken binne mei de restauraasje fan 1973 ferwidere. It doopfont fan foar de reformaasje stiet hjoeddedei yn it Frysk Museum. In oargel hat de tsjerke nea hân.

Yn it koer, dat yn de 14e iuw oanboud waard, binne noch in tal nissen en in piscina út de katolike tiid te sjen. Fan de fresko's yn de tsjerke bleau oan de noardlike kant fan it koer in fragmint fan in pear Maltezer krusen en in Turkske knoop oer, dy't gjin begjin en gjin ein hat en symboal stiet foar de ûneinigens fan God.

It oerwurk fan de tsjerke datearret fan 1564 en is it âldste Fryske oerwurk fan getten izer. Yn 2006 krige it oerwurk in elektrysk opwynsysteem, dat sa oanbrocht is dat it oerwurk wer yn oarspronklike steat werom brocht wurde kin. De twa klokken yn de toer binne yn 1344 en 1490 getten. De lytste mei in diameter fan 61 sintimeter is de âldste en waard neffens it opskrift Anno Dni MCCCXLIIII Stephanus Me Fecit Sb Domno Dodoni plebano Sippa foghet getten troch in Stefanus. De jitter fan de grutte klok út 1490 mei in diameter fan 72 sintimeter (Anno Dni MCCCCXC dno Dirico Eeckama Wibrando Roerda et uxore eius Auck et Hesselo Advocato) is net bekend.

Keppeling om utens bewurkje seksje

Ofbylden bewurkje seksje

     
Piskina
Oerwurk
Romaansk muorrewurk

Boarnen, noaten en referinsjes bewurkje seksje

Boarnen, noaten en/as referinsjes: