Tsjerken fan de Arsjitektuerskoalle fan Pskov
De Tsjerken fan de Arsjitekturale Skoalle fan Pskov waarden yn july 2019 tafoege oan it wrâlderfgoed fan UNESCO.
Foardracht
bewurkje seksjeYn 2002 waarden de monuminten fan it âlde Pskov foardroegen oan UNESCO. Dêrby waarden ek monuminten út de regio opnommen lykas Izborsk. Ek waard it kremlyn fan Pskov yn it ramt fan 'e 'Kremlyns fan Ruslân' oandroegen. De foardracht waard lykwols yn 2012 ôfwiisd.
Yn 2015 waard wurke oan in nije nominaasje ûnder de namme "Monuminten fan it âlde Pskov". It fersyk omfieme 18 lokaasjes, dy't benammen yn it histoaryske sintrum fan Pskov steane. Om't de dokumintaasje net folslein wie, moast yn 2018 in nije oanfraach yntsjinne wurde, dy't yn 2019 yn 'e 43e sitting fan it UNESCO Wrâlderfgoedkomitee yn Bakû goedkard waard. Fan 'e achttjin lokaasjes waarden der tsien monuminten goedkard foar it predikaat wrâlderfgoed.
Yn 'e takomst besiket de oblast Pskov it tal monuminten op 'e UNESCO-list te ferheegjen, mar dan sille der earst noch restauraasjes plakfine moatte, itjinge noch grutte ynvestearings easket.
Beskriuwing
bewurkje seksjeDe groep bestiet út tsjerken, katedralen, kleasters, tuorren en oare gebouwen yn 'e histoaryske stêd Pskov. Se fertsjintwurdigje de Pskov-Arsjitektuerskoalle mei skaaimerken lykas kubyske folumes, koepels, portiken en tuorren, wêrfan't dielen oant yn 'e 12e iuw werom geane. De gebouwen binne beynfloede troch de byzantynske en Novgorod-arsjitektuer. De foar Pskov en omkriten typyske arsjitektuer ûntwikkele him yn 'e 15e en 16e iuw ta in hichtepunt en droech fiif iuwen by oan de ûntwikkeling fan 'e Russyske arsjitektuer.[1]
| Ofbyld | Nû.[2] | Namme | Boutiid | Oerflak (buffersône) | Lokaasje |
|---|---|---|---|---|---|
|
1523-001 | De Jehannes de Doperkatedraal fan it eardere Ivanovski-kleaster | 12e of 13e iuw | 0,73 ha (387 ha) |
57° 49' N 28° 19' E |
|
1523-002 | Mirozjski-kleaster mei de Transfiguraasjetsjerke | 12e iuw | 14,4 ha (387 ha) |
57° 48' N 28° 19' E |
|
1523-003 | Tsjerke fan 'e aartsingels Michael en Gabriel fan Gorodets | 14e iuw | 0,55 ha (387 ha) |
57° 49' N 28° 20' E |
|
1523-004 | Tsjerke fan 'e Berte en Foarbea fan 'e Jongfaam Marije | 15e-16e iuw | 0,14 ha (387 ha) |
57° 48' N 28° 20' E |
|
1523-005 | Kosmas en Damianustsjerke | 15e-17e iuw | 0,14 ha (387 ha) |
57° 49' N 28° 20' E |
|
1523-006 | Sint-Joaristsjerke | 15e iuw | 0,22 ha (387 ha) |
57° 48' N 28° 19' E |
|
1523-007 | Epifanytsjerke | 15e iuw | 0,24 ha (387 ha) |
57° 49' N 28° 20' E |
|
1523-008 | Sint-Nikolaastsjerke | 16e iuw | 0,25 ha (387 ha) |
57° 48' N 28° 20' E |
|
1523-009 | Sint-Basiliustsjerke op 'e bult | 15e iuw | 0,2 ha (387 ha) |
57° 48' N 28° 20' E |
|
1523-010 | Snetogorski-kleaster mei de Bertetsjerke fan de Mem Gods | 14e-16e iuw | 2,45 ha (248,6 ha) |
57° 50' N 28° 15' E |
| Boarnen, noaten en/as referinsjes: |
|