Anne Tjerkstra
Anne Tjerkstra (It Heidenskip, 1946) is in Fryske skipper út Goaiïngaryp.
| Anne Tjerkstra | ||
| persoanlike bysûnderheden | ||
| echte namme | Anne Tjerkstra | |
| berne | 1946 | |
| berteplak | It Heidenskip ûnder Warkum | |
| wurkpaad | ||
| aktyf as | skipper | |
| reden bekendheid |
skûtsjesilen | |
Skûtsjesilen
bewurkje seksjeAnne Tjerkstra waard yn 1946 berne op in skûtsje yn it puoltsje De âldman`s sek yn It Heidenskip ûnder Warkum. Syn libben soe yn it teken fan skûtsjesilen stean, fan syn tsiende jier ôf sylt er al mei. Syn frou Geeske waard berne op it skûtsje Twee Gebroeders fan Rienk Zwaga, en harren kokentafel wie makke fan in swurd. Foar syn wurk wie Terpstra skipper op it steatejacht Friso fan de provinsje Fryslân. Hy sylde dan simmerdeis mei Kommissarissen fan de Kening as Rijpstra, Wiegel, Hermans en Nijpels.
Tsjerkstra begûn yn 1984 as skipper by de SKS op it Jouster skûtsje Oeral Thús. Hy einige as tredde yn it SKS-klassemint yn 1990, 1992, 1994, 1996 en 1999. Fan 2000 ôf wie hy skipper op it skûtsje fan Langwar. Nei 25 jier skûtsjeskipper west te hawwen joech er ein desimber 2008 by syn bemanning oan dat er stoppe as skipper. [1] Yn 2008 waard hy adviseur op it skûtsje Doap Grou by syn skoansoan Douwe Visser.
Skilder
bewurkje seksjeYn syn frije tiid skildere Tjerkstra mear as 80 portretten fan de SKS-skippers fan it SKS-fleugelklassemint op it âlde taande katoen fan in fersniene fok fan it Jouster skûtsje. De portretten waarden yn 1999 tentoansteld yn galery it Tripgemaal fan Thom Mercuur yn Gersleat. Oer de skilderijen ferskynde in boek fan Jan de Vries ûnder de titel De skûtsjeskippers fan Anne Tjerkstra. Yn dit boek steane 34 skippersportretten. It seildoek fan 9 by 4,5 meter waard presintearre yn it Frysk Skipfeartmuseum yn Snits. [2] It kaam te hingjen yn de nije entree fan it skipfeartmuseum.
Yn 2010 ferskynde oer syn libben it boek Anne Tjerkstra, in libben tusken de swurden.
Reedriden
bewurkje seksjeAnne Tjerkstra ried trije kear de Alvestêdetocht. [3] Dat er de tocht ek sân kear ried as ‘wylde’ rider levere him ek krityk op, omdat soks lang net ferantwurde west hie. [4]
Biografy
bewurkje seksje- Jan de Vries - Anne Tjerkstra, in libben tusen de swurden, útjouwerij Bornmeer, (2010); ISBN 9789056152581
- Klaas Jansma - De Skûtsjeskippers fan Anne Tjerkstra. Útjouwerij De Drijvende Dobber (1999)
| Boarnen, noaten en/as referinsjes: |
|