Annet Haring

Annet Haring (Hoarn, 1934) is in Nederlânsk keunstner.

Annet Haring (1966)

De trije toeristen op De Jouwer (1982)

Boartsjende bern (Jistrum) (1985)

Haring hat har oplieding hân oan de keunstakademy yn Amsterdam (Rietveldakademy) net ôfmakke omdat abstrakt wurk har net befoel. Letter folge se noch in oplieding oan de ABK Arnhim en Giacomo Manzu yn Milaan. Se wurke seis jier oan it Ynstiytút foar Byldzjende ekspresje yn Amersfoart. Yn de perioade 1978 - 1996 hat se yn Fryslân wenne en wurke, it lêst yn Oerterp. Nei alve jier reizge te hawwen is se sûnt 2008 wer werom yn Nederlân.

Se makke ûnder oare de brûnzen trofee dy't sûnt 1990 jierliks op it Festival Frouljufilms útrikt wurdt oan in frou dy't har fertsjinstlik makke hat op it mêd fan frou en film. Yn 1995 waard in gruttere útfiering hjirfan troch de organisaasje fan it festival oan de gemeente Assen oanbean.

Haring is mem fan byldzjend keunstner Marco Goldenbeld.

Wurken yn de iepenbiere romte

lokaasje	titel/omskriuwing	materiaal	jier
Assen, De Vaart	Filmdoek	brûns	1995
Balk	Boartsjende bern	brûns	1983
Bûtenpost	Boartsjende bern	brûns	1984
Bueren	Ritskemooi	brûns	1980
Droegeham	Droegehamsterko mei Boer en keapman	brûns	1982
Jistrum	Bern yn hoepel	brûns	1985
Folsgeare, Tsjaerddyk	De Muontsen	brons	1995
Harns	Frou mei dowen by plysjeburo	brûns	1986
De Jouwer	De Koperjitter	brûns	1979
De Jouwer	Bern oan fiver	brûns	1980
De Jouwer, Midstrjitte	De Trije Toeristen	brûns	1982
Ljouwert, Harnzertrekwei	Groepen minsken dy't de sikefûnsklanten útbyldzje	brûns	1984
Nijeberkeap	It harjen fan de seine	stiel komposysje	1996
Oentsjerk	Tryntsje-muoi	brûns	1986
Skearnegoutum, Legedyk	De nonnen fan it Nijkleaster	brûns yn betonsokkel	1996
Waskemar	De Trilker	brûns	1980

Sjoch ek

• Bylden yn Eaststellingwerf