Bathmen

Bathmen (Nedersaksysk: Battûm ) is in doarp yn de gemeente Dimter yn de Nederlânske provinsje Oerisel. It doarp Bathmen hat 5.705 ynwenners (2023).

Bathmen
Herfoarme tsjerke (2011)
Emblemen
Bestjoer
Lân	Nederlân
Provinsje	Oerisel
Gemeente	Dimter
Sifers
Ynwennertal	5.705 (2023)
Oerflak	26,43 km² dêrfan lân: 26,18 km² dêrfan wetter: 0,25 km²
Befolkingsticht.	216 ynw./km²
Oar
Ferkearsieren	A1
Postkoade	7437
Tiidsône	UTC +1
Simmertiid	UTC +2
Koördinaten	52° 15' NB, 6° 17' EL
Offisjele webside
Webstee fan it doarp
Kaart

Skiednis

De typearjende enken yn it Bathmenske lânskip binne ûntstien yn 'e achtste iuw nei Kristus troch it brûken fan potstâlen. Fanâlds is Bathmen in agrarysk doarp. Yn de fjirtjinde iuw waard it beekje Hunnepe befarber makke, sadat lânbouprodukten ienfâldiger nei Dimter ferfierd wurde koene. Yn dy tiid is de tsjintwurdige namme Schipbeek ûntstien.

De namme Bathmen soe ôflaat wêze fan "Bodeman" of "Bademan", de boadskipper fan it gesach (keninklik of tsjerklik). Dizze persoan krige in plak foar himsels, dêr't hy bygelyks in pleats stichtsje koe. Yn 1096 waard Bathmen troch hear Henricus III skonken oan de 20ste biskop fan Utert Bernold.

Gemeente Bathmen

Yn 1795 is it gemeentestelsel sa 't wy dat no noch kenne ynfierd. Yn 1811 waard sa de gemeente Bathmen nei Frânsk model foarme. Oant de gemeentlike weryndieling op 1 jannewaris 2005 wie Bathmen in selsstannige gemeente, wêrnei't it oan de gemeente Dimter taheakke waard. Dêr wie in soad wjerstân tsjin, omdat Bathmen in lanlik karakter hat en hjirtroch ûnder stedsk bestjoer kaam. Der is besocht om selsstannich te bliuwen, of byneed fusearje te meien mei de Gelderske gemeente Lochem. Mar it foarstel helle it net en Bathmen waard gearfoege mei Dimter.

Lizzing

Bathmen leit tusken de Schipbeek yn it suden en it spoar fan Dimter nei Almelo yn it noarden. It doarp leit oan de A1 en hat in eigen ôfslach. Stasjon Bathmen waard yn de jierren fyftich opheft.

• 
  Romp fan nôtmûne Dorthermolen (2007)
• 
  Erve Blankena oan 'e blankenadijk (2021)
• 
  It eardere gemeentehûs fan Bathmen (1965)
• 
  Filla Macamalo oan 'e Koekendijk (2019)
• 
  Dortherbeek Oost by Bathmen (2012)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Bathmen fan Wikimedia Commons.