Britney Amber

Britney Amber, echte namme: Amber Victoria Rizzo (Banning (Kalifornje), 10 novimber 1986), is in Amerikaansk neakenmodel, stripper en pornografysk aktrise fan Italjaansk etnysk komôf, dy't yn it ferline ek wol gebrûk makke hat fan 'e artystenammen Britney Angel, Brittany Angel, Brittany Amber en Brittany. Neffens har offisjele opjefte is se 1.65 m, mei in gewicht fan 52 kg en kupmaat 36D, dêr't oan kommen is troch in boarstfergruttingsoperaasje te ûndergean.

Britney Amber
persoan yn de seksyndustry
persoanlike bysûnderheden
oare artyste-        nammen	Britney Angel, Brittany Angel, Brittany Amber, Brittany
echte namme	Amber Victoria Rizzo
nasjonaliteit	Amerikaansk
berne	10 novimber 1986
berteplak	Banning (Kalifornje)
etnisiteit	Italjaansk
wurkpaad
wurksum as	neakenmodel, stripper, pornoaktrise
jierren aktyf	2008 – no
offisjele webside
www.britneyamberxxx.com

Libben en karriêre

Britney Amber waard yn 1986 berne yn Banning, yn 'e steat Kalifornje. Se groeide op yn Beaumont, ek yn Kalifornje. Op 'e middelbere skoalle waard se twa kear fan skoalle stjoerd foar't se úteinlik besleat om har oplieding net ôf te meitsjen. Letter helle se troch jûnsûnderwiis lykwols dochs noch har diploma en learde se fierder oan 'e universiteit. Neitiid wurke se in hoart as nachtresepsjoniste yn in hotel.

Britney Amber dielt hantekenings út op 'e AVN Adult Entertainment Expo fan 2009.

Yn 2007 sette Amber dermei útein om as prostituee te wurkjen op 'e Moonlite BunnyRanch yn Carson City yn Nevada, de iennichste Amerikaanske steat dêr't prostitúsje legaal is. Hja waard dêrta brocht troch de dokudramarige Cathouse, oer datseldichste bordeel, dy't útstjoerd waard troch de Amerikaanske tillefyzjestjoerder HBO. Yn april 2008 liet se har boarsten fergrutsje fan in B-kup nei in D-kup. Fia in oare pornoaktrise dy't ek op 'e Moonlite BunnyRanch wurke, rekke Amber úteinlik behelle yn 'e pornoyndustry.

Amber makke yn 2008, doe't se 22 jier wie, har debút yn in pornografyske film. Har earste sêne wie in aaklike ûnderfining mei in akteur dy't har rûch behannele en yn triennen efterliet. Neitiid ûntsloech Amber har doetiidske agint en naam se ynstee pornoaktrise Shy Love as ympressario yn 'e earm. Neffens de Internet Adult Film Database (IAFD) hat se ûnderwilens yn mear as 225 pornofilms spile, û.m. foar sokke foaroansteande labels as Pure Play Media, Evil Angel, Devil's Film, Hustler Video, Third Degree Films, Diabolic Video, Digital Playground, Zero Tolerance, Vivid Entertainment, Wicked Pictures, Penthouse, Adam & Eve, Red Light District en Anabolic Video. Ek hat Amber in protte wurke foar pornosites as BangBros, Brazzers en Muffia. Troch de jierren hinne hat se trije kear nominearre west foar in AVN Award (de Oskar fan 'e pornowrâld). Yn 2012 spile se de haadrol yn 'e film Barbwire XXX, in pornografyske parody op it Pamela Anderson-fehikel Barb Wire.

Britney Amber.

Njonken har aktearwurk is Britney Amber ek aktyf as neakenmodel en hat se posearre foar in ferskaat oan neakenblêden. Fierders giet se ek geregeldwei op toernee by de Amerikaanske stripklubs lâns as in feature dancer. Op 1 july 2014 lansearre se har eigen praatprogramma op 'e radio, The Britney Amber Show, dy't útstjoerd wurdt op Radio Temptation.

Prizen en nominaasjes

Jier	Priis	Resultaat	Kategory	Foar har optreden yn
2010	AVN Award	nominearre	bêste nije stjer	n.f.t.
	Xbiz Award	nominearre	nije stjer fan it jier	n.f.t.
2013	AVN Award	nominearre	ûnderwurdearre stjer fan it jier	n.f.t.
	NightMoves Award	wûn	bêste froulike artyst (redakteurskar)	n.f.t.
	Xbiz Award	nominearre	bêste lesbyske sekssêne (mei Spencer Scott)	Not Animal House XXX
		nominearre	bêste byrol fan in aktrise	Not Animal House XXX
		nominearre	artystewebside fan it jier (foar BritneyAmberXXX.com)	n.f.t.
2014	AVN Award	nominearre	ûnderwurdearre stjer fan it jier	n.f.t.
	Xbiz Award	nominearre	bêste aktrise yn in parody	Barbwire XXX: A DreamZone Parody

Keppelings om utens

• (in) Offisjele webside fan Britney Amber
• (in) Biografy en filmografy fan Britney Amber yn 'e Internet Movie Database (IMDb)
• (in) Biografyske gegevens en filmografy fan Britney Amber yn 'e Internet Adult Film Database (IAFD)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Britney Amber fan Wikimedia Commons.