SC Cambuur Ljouwert

(Trochwiisd fan Cambuur Ljouwert)

SC Cambuur Leeuwarden is in profesjonele fuotbalklup út Ljouwert. De klup waard oprjochte op 19 juny 1964 as de ferfanger fan VV Leeuwarden dy’t nei de amateurs werom kearde. De klup spilet yn it Cambuur stadion dêr't goed 10.000 minsken yn kinne. Cambuur is trije kear nei de Earedifyzje promovearre en spile yn totaal fjouwer jier op it heechste nivo. Nei it kampioenskip fan de Jupiler League yn 2013 kaam Cambuur op 'e nij even út yn de Earedifyzje. Nei twa jier degradearre de klup lykwols wer.

Sportclub Cambuur Leeuwarden
It Cambuur Stadion
It Cambuur Stadion
Oprjochte 19 juny 1964
Plak Ljouwert
Stadion Cambuur Stadion
Kapasiteit 10.000
Foarsitter fakant
Trener Henk de Jong
Kompetysje Earste difyzje
Teamkleuren Teamkleuren Teamkleuren
Teamkleuren
Teamkleuren
Thúskleuren
Teamkleuren Teamkleuren Teamkleuren
Teamkleuren
Teamkleuren
Utkleuren

OprjochtingBewurkje

Sietse Westra wie de inisjatyfnimmer fan de oprjochting fan SC Cambuur, sa't de klup doedestiids noch hjitte. Westra wie fiif jier, tusken 1964 en 1969, direkteur fan de klup. De namme fan Cambuur waard yn 1988 feroare fan SC Cambuur yn Cambuur Ljouwert.

Sportive skiednisBewurkje

Cambuur koe it earste jier yn it proffuotbal fuort promovearje nei de Earste Difyzje. Dêr soe Cambuur mear as 25 jier yn fuotbalje. De Ljouwerters hawwe oant 2008 fjouwer jier, yn twa perioaden, yn de Earedifyzje spile. De earste kear wie doe't Cambuur as earste yn de Earste Difyzje einige. Dêrnei spile Cambuur yn it seizoen 1992/1993 en 1993/1994 op it heechste fuotbalnivo fan Nederlân. De twadde kear dat Cambuur dêryn spylje soe, wie yn it seizoen 1998/1999 en 1999/2000. It slagge Cambuur yn 1998 te promovearjen troch de neikompetysje te winnen en sa promoasje ôf te twingen.

Yn 2000 degradearre Cambuur en moast it werom yn de Earste Difyzje. SC Cambuur hat dêrnei wer 13 jier yn de Earste Difyzje spile. Fia direkte promoasje yn it seizoen 2012/2013, troch it beheljen fan it kampioenskip spilet Cambuur sûnt it seizoen 2013/2014 op 'e nij op it heechste nivo.

It aventoer yn de Earedifyzje duorre krekt as de oare kearen twa seizoenen, diskear ûnder lieding fan trainer Henk de Jong. Yn 2016 degradearren de Ljouwerters wer en sûnt dy tiid spilet Cambuur wer yn de Earste Difyzje. De Jong naam yn it degradaasjejier ôfskied fan de klup, mar kaam yn 2019 werom, mei Sandor van der Heide as syn assistint.

Namme, skaaimerk en klaaiïngBewurkje

NammeBewurkje

Cambuur is neamd nei de wyk dêr't de klup syn stadion hat, de Cambuursterhoek, ek wol it Cambuurkertier. De namme fan de wyk komt fan de aadlike famylje Fan Cammingha, waans stins op hast itselde plak stie fan it Cambuur stadion fan no.

SkaaimerkBewurkje

It skaaimerk fan SC Cambuur Ljouwert is eins in nijmoadrige ferzje fan it famyljeskyld fan de Van Cammingha's, dat sa in ferwizing is nei de skiednis fan sawol de namme as de lokaasje.

It wapen hat in giel wapenskyld mei in lizzend hart, dy't de foarpoaten útstrekt. Tegearre mei trije swarte kamen mei allegearre twa rigen swarte tosken: Twa kamen fan boppen en ien kaam ûnder.

KlaaiïngBewurkje

De klaaiïng fan Cambuur bestiet foar de thúswedstriden út in giel shirt, in blauwe broek en giele sokken. Der wurdt ek wol mei wite sokken spile, as de tsjinstanner ek al mei giele sokken fuotballet. It tenu foar de útwedstriden bestiet út in wyt shirt, blauwe broek en wite sokken.

De kar foar de kleuren komt fan de stedskleuren fan Ljouwert, giel en blau. De Ljouwerter flagge bestiet út fjouwer horizontale banen, blau: giel, blau en giel.

EarelistBewurkje

Earste difyzje
Winner - 2013.
Neikompetysje
Winner - 1998.
Earste difyzje
Winner - 1992.
Twadde difyzje
Winner - 1957 (as Ljouwert), 1965.

(Ferneamde) âld-spilers en âld-trainersBewurkje

Seizoen 2018/19Bewurkje

A-seleksjeBewurkje

Nr. Namme Nat. Foarige klup Kontrakt oant
Keepers
1 Sonny Stevens     SBV Excelsior 30 juny 2020 (opsje + 1 jier)
12 Pieter Bos     SC It Hearrenfean 30 juny 2020
Ferdigeners
2 Jordy van Deelen     FC Dordrecht 30 juny 2020
3 Calvin Mac-Intosche     Fortuna Sittard 30 juny 2021 (opsje + 1 jier)
4 Erik Schouten     FC Volendam 30 juny 2021
5 Doke Schmidt     SC It Hearrenfean 30 juny 2021
15 Kellian van der Kaap     FC Grins 30 juny 2020 (opsje + 1 jier)
16 Alex Bangura     Feyenoord 30 juny 2020 (opsje + 1 jier)
19 Sven Nieuwpoort     De Graafschap 30 juny 2020 (opsje + 1 jier)
24 David Sambissa     FC Twinte 30 juny 2020
Middenfjilders
6 Mees Hoedemakers     AZ 30 juny 2020 (hier + opsje op keapjen)
8 Jamie Jacobs     AZ 30 juny 2021 (opsje + 1 jier)
17 Daniel Bouman     FC Grins amateurkontrakt
18 Stanley Akoy     AFC Ajax 30 juny 2020 (opsje + 1 jier)
20 Robin Maulun     Trélissac FC 30 juny 2020
Oanfallers
7 Issa Kallon     FC Utrecht 30 juny 2020
10 Mitchel Paulissen     Roda JC 30 juny 2021
11 Giovanni Korte     NAC Breda 30 juny 2021
17 Tyrone Conraad     Jong Cambuur 30 juny 2019
21 Robert Mühren     Zulte Waregem 30 juny 2020 (hier)
22 Delano Ladan     ADO Den Haag 30 juny 2021
26 Ragnar Oratmangoen     NEC 30 juny 2021 (opsje + 1 jier)
27 Jarchinio Antonia     AEL Limassol 30 juny 2020 (opsje + 1 jier)