Carmel Moore
Carmel Moore, echte namme: Nasrin Danielle Alavi (Eastbourne, 19 juny 1985), is in rêstend Britsk fotomodel, neakenmodel, stripper en pornografysk aktrise fan Iraansk komôf, dy't ek wol gebrûk makke fan 'e artystenamme Nasrin Carmel Moore. Neffens har offisjele opjefte is se 1.57 m, mei in gewicht fan 51 kg. Se hat in boarstfergruttingsoperaasje ûndergien.
| Carmel Moore | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Nasrin Carmel Moore | |
| echte namme | Nasrin Danielle Alavi | |
| nasjonaliteit | .svg){kind=small} Britsk
| |
| berne | 19 juny 1985 | |
| berteplak | Eastbourne (Ingelân) | |
| etnisiteit |  Iraansk
| |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2005 – 2011 | |
| offisjele webside | ||
| www.carmelmoore.co.uk | ||
Libben
bewurkje seksjeMoore is hikke en tein yn it stedsje Eastbourne, oan 'e Ingelske súdkust, yn it greefskip East-Susseks. Op har achttjinde sette se útein mei in karriêre as fotomodel, en doe't it dêrmei op 'e non rûn, begûn se earst te posearjen foar neakenblêden, en yn 2005, doe't se tweintich jier wie, makke se har debút yn in pornografyske film. Net folle letter krige se de kâns om mei te dwaan oan in realityprogramma oer Britske fammen dy't besochten troch te brekken yn 'e Amerikaanske pornoyndustry. Hja ferfear dêrfoar nei de Feriene Steaten, dêr't se har nei wenjen sette yn Los Angeles, yn 'e steat Kalifornje. It programma wie in flop, mar Moore wist yn Amearika yndie troch te brekken.
Yn har seisjierrige pornokarriêre spile se, neffens de Internet Adult Film Database (IAFD), yn totaal yn 105 films, û.m. foar sokke foaroansteande labels as Digital Playground, Wicked Pictures, Vivid Entertainment, Elegant Angel, Pure Play Media en Third Degree Films. Ek wurke se wol foar pornosites op it ynternet, lykas Brazzers en Muffia. Yn 2007 wûn se de UK Adult Film and Television Award, de wichtichste Britske pornografypriis, yn 'e kategory bêste aktrise. Yn 2011 loek se har út 'e pornoyndustry werom.
Prizen en nominaasjes
bewurkje seksje| Jier | Priis | Resultaat | Kategory | Foar har optreden yn |
|---|---|---|---|---|
| 2007 | UK Adult Film and Television Award | wûn | bêste aktrise | Hug a Hoodie |
Keppelings om utens
bewurkje seksje- (in) Offisjele webside fan Carmel Moore
- (in) Biografy en filmografy fan Carmel Moore yn 'e Internet Movie Database (IMDb)
- (in) Biografyske gegevens en filmografy fan Carmel Moore yn 'e Internet Adult Film Database (IAFD)
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |