It Drintsk Museum is in museum dat oprjochte waard yn 1854. It is fêstige yn it sintrum fan Assen yn Drinte en sit yn it eardere provinsjehûs fan Drinte, dat datearret út 1885.

DrintskMuseum
Drents Museum
  museum
Drintsk Museum
Drintsk Museum
Lokaasje
lân Nederlân
provinsje Drinte
gemeente Grins
plak Assen
adres Brink 1
koördinaten 52° 59′ 34″ N 6° 33′ 50″ E
Algemiene gegevens
type keunstmuseum
skiedkundich museum
wurkmêd Drinte
oprjochting 1854
besikers 108.204 (2021)
Arsjitektuer
monumint. status kleastertsjerke Ryks
Untfangershûs Ryks
Gûvernemintsgebou Ryks
Drostenhûs Ryks
monumintnûmer kleastertsjerke 8403
Untfangershûs 8405
Gûvernemintsgebou 469358
Drostenhûs 8412
Offisjele webside
drentsmuseum.nl
Kaart
Drintsk Museum (Assen)
Drintsk Museum
Lokaasje yn Assen
De museumtún: it Jacob Cramerpark

Kolleksje bewurkje seksje

It museum hat in grutte fêste kolleksje oer de prehistoarje fan de provinsje Drinte. Der binne ek feanliken te besjen, sa as it Famke fan Yde en it Spantsje fan Weardinge. Der binne fynsten út de trachterbekerkultuer te finen en ek de âldste boat fan 'e wrâld, de Kano fan Pesse.

It museum hat ek in fêste samling figurative keunst, benammen fan de Noardlike Realisten, mei fertsjintwurdigers fan de fjirde generatie fan 'De Groep' (wurk fan ûnder oaren Henk Helmantel, Matthijs Röling, Sam Drukker, Douwe Elias, Barend Blankert, Alfred Hafkenscheid, Eddy Roos en Berend Groen). It giet om hûnderten wurken en foarmet ien fan wichtichste kolleksjes op dit mêd yn Nederlân. Dan is der de samling Nederlânske keunst- en keunstnijverheid 1885 - 1935 mei wurk fan û.o. Chris Lebeau, Vincent van Gogh, Jan Eisenloeffel, Jan Toorop en Jan Sluijters. Yn de spesjaal ynrjochte stylkeamers yn it Untfangershûs is te sjen hoe't begoedige Drintske famyljes yn earder iuwen libbe hawwe. De tún oan de efterkant fan it museum hat in brûnzen byld fan Bartje.

Uitwreiding en ferbouwing bewurkje seksje

Op 6 novimber 2007 makke deputearre Tanja Klip-Martin bekend dat it museum útwreide wurde soe neffens in ûntwerp fan arsjitekt Erick van Egeraat. Kosten waarden op 18 miljoen rûsd.[1] Fan simmer 2010 oant en mei simmer 2011 wie it museum ticht.

Op in yndustryterrein yn Assen krige it museum begjin 2010 in modern depot foar sa'n 90.000 objekten en keunstwurken ta har foldwaan.

Yn novimber 2011 waard it Drinsk Museum fannijs iepene troch keninginne Beatrix, mei in útstalling oer de Tang-dynasty, de gouden iuw fan Sina.

Yn 2023 moast it museum in tal moannen foar it part ticht om fochtproblemen te ferhelpen.[2]

Ynterieur bewurkje seksje

Literatuer bewurkje seksje

  • Drents Museum journaal, Assen: Drents Museum, 1985-2011.
  • Drents Museum magazine, Assen: Drents Museum, 2011-.
  • Monografieën van het Drents Museum over hedendaagse figuratieve kunstenaars, Swol: Waanders, Assen: Drents Museum, 1999-.
  • Archeologische bijdragen van het Drents Museum, Swol: Waanders, Assen: Drents Museum, 1999-.
  • Internationale archeologie in het Drents Museum, Swol: Waanders, Assen: Drents Museum, 2008-.
  • Jan Jaap Heij & Mieke van der Wal, Art Nouveau en Art Deco in Nederland: toegepaste kunst 1885-1935 uit de collectie van het Drents Museum, Amersfoart etc.: Bekking & Blitz, 2008. ISBN 978-90-6109-610-8.

Boarnen, noaten en referinsjes bewurkje seksje

Boarnen, noaten en/as referinsjes:
  1. [1] Van Egeraat bouwt nieuwe vleugel Drents Museum ,6 novimber 2007, Trouw
  2. rtv Drenthe, 27-3-2023, Drents Museum sluit tijdelijk de deuren
  Ofbylden dy't by dit ûnderwerp hearre, binne te finen yn de kategory Drents Museum fan Wikimedia Commons.