Fermanje fan Nes (It Amelân)

De Fermanje fan Nes op It Amelân is ien fan de trije mennistetsjerken dy't ea yn it doarp stien ha. De mennisten foarmje tsjintwurdich mei de grifformearden fan it eilân in federaasje. It gebou docht noch jimmeroan tsjinst as tsjerke, mar is ek troch de boargerlike gemeente oanwiisd as troulokaasje.

Fermanje
bouwurk
lokaasje
lân	Nederlân
provinsje	Fryslân
gemeente	It Amelân
plak	Nes
adres	Fermanjepaad 1, Nes
koördinaten	53° 26' 42" N 5° 46' 25" E
bysûnderheden
type bouwurk	Tsjerke
boujier	1843
monumintale status	ryksmonumint
monumintnûmer	7635
offisjele webside
Federaasje grifformearde-mennistegemeente It Amelân
kaart

Skiednis

Oant yn de 19e iuw hiene de mennisten fan Nes trije ferskate gemeenten. Mei de gearfoeging fan dy trije gemeenten ta ien gemeente waarden twa gebouwen oerstallich, dy't ôfbrutsen waarden. De hjoeddeiske fermanje is it risseltaat fan in ferbouwing yn 1843. It tige ienfâldige sealtsjerkje hat grutte rûnbôgefinsters en in wulfdak.

Oan de tsjerke waard it saneamde Mennohûske boud, dat fierder neat mei it tsjerkegebou hat út te stean.

Sûnt 2003 wurkje de mennisten op It Amelân gear mei de grifformearden fan it eilân. Yn 2009 waard besletten in federaasje oan te gean. By de federaasje hearden fjouwer tsjerken: trije mennistetsjerken yn Hollum, Ballum en Nes en ien grifformearde tsjerke yn Hollum. Oant 2013 hearde ek de Fermanje fan Ballum by de gemeente, mar dat gebou moast doe ferkocht wurde en is no in hotel. De gemeente makket wikseljend gebrûk fan de trije tsjerken Hollum en Nes.

Ynterieur

It ynterieur hat in lytse preekstoel. Ynstee fan tsjerkebanken steane der stuollen.

Oargel

In piipoargel ûnbrekt yn it tsjerkje. Foar de begelieding wurdt der gebrûk makke fan in harmoanium.

Boarnen, noaten en referinsjes

Boarnen, noaten en/as referinsjes:

Reliwiki, oproppen 13.11.2018 Commons Wikimedia Commons  Ofbylden dy't by dit ûnderwerp hearre, binne te finen yn de kategory Fermanje, Nes (It Amelân) fan Wikimedia Commons.