Grutte wite reager
| Grutte wite reager | ||||||
|---|---|---|---|---|---|---|
.jpg)
| ||||||
| taksonomy | ||||||
| ||||||
| soarte | ||||||
| Ardea alba |
De grutte wite reager (Ardea alba of Casmerodius albus) is in fûgel út de famylje fan de reagers of reagerfûgels (Ardeidae) en it skift fan de pilekaaneftigen (Pelecaniformes).
FoarkommenBewurkje
De grutte wite reager is in grutte, wite reager, mei in grutte giele snaffel mei dûnkere poaten. De fûgel is sa'n 85 oant 100 sm en de wjukspanwiidte leit tusken de 145 en 170 sm. De reager weaget tusken de 1 en 1,5 kilogram.
FerspriedingBewurkje
De grutte wite reager komt foar yn Súd- en Midden-Jeropa, Afrika en ek yn Amearika oant it suden fan Kanada. Ek yn Nederlân komt de Grutte Wite Reager yn hieltyd grutter tal foar, krekt as de Lytse Wite Reager.
FuortplantingBewurkje
De grutte wite reager bried yn koloanjes, it nêst is in bult tûken yn in beam. De beide âlden briede de 3 oant 6 aaien út yn in dei as 23 oant 26. De jongen kinne meast nei in wike as 7 fleane, mar se ferlitte de âlden meast net foar se sa'n 11 wike âld binne.
TaksonomyBewurkje
De grutte wite reager waard eartiids faak yn it skaai Egretta set (Egretta alba). Tsjintwurdich wurdt de reager faak yn it skaai Ardea set (Ardea alba), om't er grutte oerienkomsten hat mei in pear reagers út dat skaai. Der binne fjouwer ûndersoarten:
- A. a. alba - Jeropa, West-Aazje, Noard-Afrika
- A. a. melanorhynchos - Afrika
- A. a. egretta - Noard-Amearika, Súd-Amearika, ek wol as aparte soarte besjoen: "Amerikaanske wite reager"
- A. a. modesta - East-Aazje, ek wol as aparte soarte besjoen: "Easterske wite reager".