Hellendoorn (gemeente)

Hellendoorn (Nedersaksysk: Heldern) is in gemeente yn de provinsje Oerisel, mei 36.265 ynwenners (1 jannewaris 2024, boarne: CBS), en mei in oerflak fan 138,62 km² (wêrfan 1,00 km² wetter). De gemeente Hellendoorn waard yn 1811 oprjochte.

Hellendoorn
flagge	wapen
lokaasje
polityk
lân	Nederlân
Provinsje	Oerisel
boargemaster	Jorrit Eijbersen
sifers en geografy
haadplak	Nijverdal
grutste plak	Nijverdal
ynwennertal	36.265 (1 jannewaris 2024)
befolkingstichtens	263 ynw./km²
oerflak	138,99 km²
● wêrfan lân	137,91 km²
● wêrfan wetter	1,08 km²
tal doarpen	5
ferkearsieren	Spoar fan Mariënberg nei Almelo, Spoar fan Swol nei Almelo, N35, N347, N750, N751
skiednis
oprjochte	1811
oar
postkoade	7440-7449, 7683, 7687-7689
tiidsône	UTC +1
simmertiid	UTC +2
webside	Webstee fan de gemeente

Dizze side giet oer de gemeente Hellendoorn. Foar it doarp dêr't de gemeente nei neamt is, sjoch: Hellendoorn.

Plakken

De gemeente Hellendoorn bestiet út 5 doarpen en alve buorskippen. It gemeentehûs stiet yn Nijverdal, dat ek it grutste plak is.

Doarp	Buorskip
Daarle	Eelen
Daarlerveen	Egede
Haarle	Hankate
Hellendoorn	Hexel
Nijverdal	Hulsen
	Marle
	Noetsele
	Overwater
	Piksen
	Rhaan
	Schuilenburg

Lizzing

Hellendoorn leit yn de provinsje Oerisel yn in gebiet dat diel útmakket fan de Sallânske Heuvelrêch. De gemeente Hellendoorn grinzet yn it noarden oan de gemeenten Ommen en Twinterâne, yn it easten oan Wierden, yn it suden oan Rijssen-Holten en yn it westen oan Raalte.

Ferkear en ferfier

Troch de gemeente rinne twa spoarlinen it spoar fan Mariënberg nei Almelo en it spoar fan Swol nei Almelo, mei twa stasjons yn de gemeente Nijverdal en Daarlerveen. It busferfier wurd fersoarge troch EBS ûnder de oerkoepeljende namme RRReis. De N347 fan Ommen nei Haaksbergen krúst by Nijverdal de N35 dy't sûnt 2015 fia in tunnel ûnder Nijverdal trochgiet. Foarhinne makke de Grotestraat yn Nijverdal ûnderdiel út fan de N35.

Kultuer en rekreaasje

Yn Nijverdal is it Bûtensintrum Sallânske Heuvelrêch te finen mei ynformaasje oer de natuer, geology en (kultuer)histoarje fan it gebiet en Memory museum ta neitins oan it bombardemint dat ta fersin yn 1945 it sintrum fan Nijverdal trof. Yn Hellendoorn is it atraksjepark, Avontoerepark Hellendoorn. It jierlikse muzykfestival Dauwpop wurd op it terrein njonken it atraksjepark hâlden.

• 
  Avontoerepark Hellendoorn (2017)
• 
  Hûs Sprengenberg yn Haarle (2005)
• 
  Antonius van Paduatsjerke yn Nijverdal (2014)
• 
  Heide op de Sallânske Heuvelrêch by Nijverdal (2006)
• 
  Bosken op de Sallânske Heuvelrêch (2014)
• 
  Stasjon Daarlerveen (2023)
• 
  Stasjon Nijverdal (2013)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Hellendoorn fan Wikimedia Commons.

Oerisel	Flagge fan de provinsje Oerisel
Almelo - Borne - Dalfsen - Dimter - Dinkellân - Haaksbergen - Hardenberg - Hellendoorn - Hengelo - Hôf fan Twinte - Ynskedee - Kampen - Losser - Oldenzaal - Olst-Wijhe - Ommen - Raalte - Rijssen-Holten - Staphorst - Stienwikerlân - Swartewetterlân - Swol (haadstêd) - Tubbergen - Twinterâne - Wierden
· ·