It Hegelân

It Hegelân (Grinslânsk: ’t Hoogelaand; Nederlânsk: het Hogeland) is in gemeente yn it noardwestlik diel fan de provinsje Grinslân. De gemeente ûntstie op 1 jannewaris 2019 troch gearfoeging fan de gemeenten Bedum, Iemsmûn, De Marne en in diel fan Winsum. It Hegelân is wat oerflak oanbelanget in tige grutte gemeente en de plakken Bedum, Liens, Winsum en Uthuzen binne gemeentlike sintra. Yn Uthuzen komt it gemeentebestjoer en de gemeenteried by inoar. De gemeente hie op 31 jannewaris 2023 48.255 ynwenners (boarne: CBS).

It Hegelân Het Hogeland
flagge	wapen
lokaasje
polityk
lân	Nederlân
provinsje	Grinslân
boargemaster	Henk Jan Bolding (waarnimmend)
sifers en geografy
haadplak	Uthuzen
grutste plak	Bedum
ynwennertal	48.255 (31 jannewaris 2023)
befolkingstichtens	55 / km²
oerflak	907,71 km²
● wêrfan lân	482,82 km²
● wêrfan wetter	424,89 km²
tal doarpen	51
ferkearsieren	N361, N363, N46,
skiednis
oprjochte	2019
Oant 2019	De Marne Bedum Iemsmûn, Winsum (foar in part)
oar
netnûmer	050, 0595, 0596
postkoade	9350, 9351, 9363, 9800, 9801, 9860, 9861
tiidsône	UTC +1
simmertiid	UTC +2
webside	hethogeland.nl

Namme

De namme is ûntliend oan dy fan it histoaryske distrikt Hogeland of Hoogeland. De ynwenners mochten yn 2017 stimme foar de definitive namme middels in enkête. 75% keas foar Het Hogeland. De alternativen Het Marenland en Hunsingo hellen it net.

Plakken

Yn de gemeente lizze 51 doarpen. Dêrnjonken hat de gemeente noch in grut tal buorskippen. De waadeilannen Rottumereach en Rottumerplaat falle ûnder de gemeente It Hegelân.

Dialekt

Yn de gemeente wurdt in fariant fan it Nedersaksysk, it saneamde Hegelânsk (Hoogelaandsters of Noordgrunnegs) praat.

Commons

Wikimedia Commons

Ofbylden dy't by dit ûnderwerp hearre, binne te finen yn de kategory It Hegelân fan Wikimedia Commons.