Jacob Algera

Jacob Algera (Wurdum, 28 maart 1902 — De Haach, 8 desimber 1966) wie in jurist en politikus.

Jacob Algera
politikus
Jacob Algera yn 1958
nasjonaliteit	Nederlânsk
bertedatum	28 maart 1902
berteplak	Wurdum
stjerdatum	8 desimber 1966
stjerplak	De Haach
etnisiteit	Frysk
partij	ARP
gemeenteriedslid fan Ljouwert
amtsperioade	1935 - 1941
lid Twadde Keamer
amtsperioade	1937 - 1952
boargemaster fan Ljouwert (wnd.)
amtsperioade	1945 - 1946
foargonger	Wilhelm Schönhard
opfolger	Adriaan van der Meulen
lid Provinsjale Steaten fan Fryslân
amtsperioade	1946 - 1952
lid Deputearre Steaten fan Fryslân
amtsperioade	1946 - 1952
minister fan Ferkear en Wettersteat
regear	kabinet-Drees II en III
amtsperioade	1952 - 1958
foargonger	Hendrik Wemmers
opfolger	Herman Witte
lid Ried fan Steat
amtsperioade	1958 - 1966

Libben en wurk

Nei in juridyske stúdzje yn Grins waard er amtner by de provinsjale griffy en de Provinsjale Bibleteek oant 1937. Hy wie polityk warber yn de ARP en hearde tsjerklik ta de Grifformearde Tsjerke. Sûnt 1937 waard er lid fan de Twadde Keamer foar de AR. Fan 1935-1945 wie Algera lid fan de gemeenterie fan Ljouwert, yn 1945 en 1946 waarnimmend boargemaster en tusken 1946-1952 lid fan Deputearre Steaten fan Fryslân.

Sûnt 2 oktober 1952 wie er minister fan Ferkear en Wettersteat yn it Kabinet-Drees II en III. Yn syn amtsperioade wie er belutsen by it reekommen fan 'e Deltawet yn 1958. It earste foltôge deltawurk, de Algearbrêge oer de Hollânske Isel by Krimpen oan de Isel waard nei him neamd. Fanwegen ôfnimmende sûnens stapte er, nei it oannimmen fan de Deltawet, yn 1958 op. Dat jiers waard er beneamd ta lid fan de Ried fan Steat. Fan 1961 oant 1965 wie er bestjoerder fan de Frije Universiteit fan Amsterdam.

Algera boaske yn augustus 1928 yn Stiens met Froukje Wijnia. Hy ferstoar yn desimber 1966 yn 'e âldens fan 64 jier yn De Haach. Algera wie Grutoffisier yn de Oarder fan Oranje-Nassau.

Njonken de brêge by Krimpen oan de Isel by de stoarmfloedkearing, waard der yn syn bertedoarp Wurdum in strjitte nei him ferneamd.

Sjoch ek

• List fan boargemasters fan Ljouwert

Boarnen, noaten en referinsjes

Boarnen, noaten en/as referinsjes:

Brouwer, J.H., J.J. Kalma, W. Kok en M. Wiegersma, red., Encyclopedie van Friesland, (Amsterdam: Elsevier, 1958), Algera, Jacob. Leeuwarden door de eeuwen heen (1935) Genealogysk Jierboek 1957 side 42-43