Haadmenu iepenje

Jan Eisenga (Koartsweagen, 11 maart 1908 - Ljouwert, 5 maaie 1943) wie in Frysk ûnderwizer, skriuwer en dichter.

Eisenga skreau essays, resinsjes en kollumns yn de krante Woudklank. Teffens wie er bestjoerslid fan it Selskip foar Fryske Taal en Skriftekennisse, aktyf yn it Hielûnthâldersbûn en de pleatslike polityk. Yn maaie sette er útein mei in oarlochsdeiboek [1] dat nei syn dea troch syn frou Tsjitske Eisenga-de Groot († Boalsert, 1973) fuortset wurde soe.

Jan Eisenga wie ûderwizer op de Legere Skoalle yn De Gordyk. Yn ferbân mei de april/maaiestaking fan 1943 rôp er de âlders op om harren bern thús te hâlden om sa stipe foar de staking sjen te litten. Hy besocht ek guon kollega's oer te heljen om mei te staken. Eisenga waard lykwols ferret en nei it SD-haadkertier yn Ljouwert brocht. Eisenga waard op 5 maaie 1943 by de âlde sjitbaan oan it Kalverdijkje yn Ljouwert fusillearre (wierskynlik mei noch in pear oaren). Syn lichem is nea weromfûn.

NeitinsBewurkje

  • Op 13 july 1946 kaam der in koperen betinkplaat yn de skoalle dêr't Eisenga lesjûn hie. Yn 1978 krige de betinkplaat in plakje yn it Museum Opsterlân.

De tekst op de betinkplaat seit:

'TA IN OANTINKEN OAN
JAN EISENGA
MASTER OAN DIZZE SKOALLE

FALLEN YN 'E MAEIJEDAGEN
FAN 1943

IN SOAN FAN SYN FOLK
IN MASTER SA 'T HEART
IN STRIDER FOAR RJOCHT
EN FRIJDOM.'[2]

  • Oer him ferskynde yn 2013 in biografy fan de hân fan Roel T. van der Heide fan Oerterp..

WurkBewurkje

  • Samling proaza en poëzy, 1948; útjouwerij Laverman, Drachten.

Keppelings om utensBewurkje

Boarnen, noaten en referinsjesBewurkje

Boarnen, noaten en/as referinsjes:
  • Drachtster Krante 2 july 2014

Noat

  1. In kopy fan it deiboek wurdt bewarre by it Nederlânsk Ynstitút foar Oarlochsdokumintaasje (NIOD)
  2. Gorredijk, monument voor Jan Eisenga