Lytse bearen

De lytse bearen of waskbeareftigen (wittenskiplike namme: Procyonidae) foarmje in famylje fan 'e klasse fan 'e sûchdieren (Mammalia), it skift fan 'e rôfdieren (Carnivora), it ûnderskift fan 'e hûndieren (Caniformia), it tuskenskift fan 'e poalrôfdieren (Arctoidea) en de boppefamylje fan 'e marterdieren (Musteloidea). Ta dizze famylje hearre 14 ûnderskate soarten middelgrutte omnivoare bisten, wêrfan't de waskbear (Procyon lotor) sûnder mis it bekendst is. De lytse bearen binne yn harren fersprieding beheind ta Noard- en Súd-Amearika. Nettsjinsteande de oantsjutting "lytse bearen" binne dizze bisten eins nauwer besibbe oan 'e martereftigen (Mustelidae), de stjonkdieren (Mephitidae) en de lytse panda's (Ailuridae) as oan 'e bearen (Ursidae).

lytse bearen
De waskbear (Procyon lotor) is de bekendste fertsjintwurdiger fan 'e lytse bearen.
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	rôfdieren (Carnivora)
ûnderskift:	hûndieren (Caniformia)
tuskenskift:	poalrôfdieren (Arctoidea)
boppefamylje:	marterdieren (Musteloidea)
famylje:	lytse bearen (Procyonidae)
Gray, 1825

Skaaimerken

De lytse bearen binne middelgrutte bisten mei in langhalich, slank lichem en in lange sturt. De kop is frij rûn en de earen binne lyts oant middelgrut. Lytse bearen binne saneamde soalgongers, dy't rinne op 'e soallen fan 'e poaten. De efterpoaten binne ornaris wat langer as de foarpoaten en de fiif teannen binne foarsjoen fan sterke klauwen. Lytse bearen binne tige handich mei de foarpoaten, dy't suver wol lytse 'hantsjes' lykje. It binne omnivoaren, dy't sawol dierlik as plantaardich guod frette. Lytse bearen binne goede klimmers. De measte soarten binne nachtaktyf. Se komme foar yn in ferskaat oan biotopen, fan it tropysk reinwâld oant de iepen flakte en fan berchtmen oant moerassen. Ien soarte, de waskbear, hat him ek oanpast oan it libjen yn grutte stêden.

Famylje-opbou

famylje lytse bearen of waskbeareftigen (Procyonidae) ûnderfamylje echte waskbeareftigen (Procyoninae) tûke waskbearen en sibben (Procyonini) ûndertûke echte waskbearen (Procyonina) skaai waskbearen (Procyon) Cozumelwaskbear (Procyon pygmaeus) krabbeslinende waskbear (Procyon cancrivorus) waskbear (Procyon lotor) ûndertûke noasbearen en sibben (Nasuina) skaai noasbearen of koätys (Nasua) reade noasbear of reade koäty (Nasua nasua) wytsnútnoasbear of wytsnútkoäty (Nasua narica) skaai lytse noasbearen of berchkoätys (Nasuella) eastlike lytse noasbear of eastlik berchkoäty (Nasuella meridensis) westlike lytse noasbear of westlike berchkoäty (Nasuella olivacea) tûke katfreteftigen (Bassariscini) skaai katfretten (Bassariscus) Middenamerikaanske katfret (Bassariscus sumichrasti) Noardamerikaanske katfret (Bassariscus astutus) ûnderfamylje rôlsturtbeareftigen (Potosinae) skaai rôlsturtbearen of kinkajû's (Potos) rôlsturtbear of kinkajû (Potos flavus) skaai slankbearen (Bassaricyon) eastlike leechlânslankbear (Bassaricyon alleni) lytse slankbear (Bassaricyon neblina) noardlike slankbear (Bassaricyon gabbii) westlike leechlânslankbear (Bassaricyon medius)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Procyonidae fan Wikimedia Commons.