Liguerje

Liguerje (Italjaansk: Liguria; Liguerysk: Ligûria) is in regio, dy't yn 1948 oprjochte waard. De regio leit oan de kust fan it noardwesten fan Itaalje en is de op twa nei lytste. It grinzget yn it westen oan Frankryk en oan de Italjaanske regio's Piëmont yn it noarden en Emilia-Romagna en Toskane yn it easten. De namme Liguria komt út de pre-Romeinske tiid.

Liguerje Liguria
Flagge	Wapen
Lokaasje yn Itaalje
Algemien
Haadstêd	Genua
Oerflakte	5.418,21 km²
Befolking	1.510.135 (31.07.2024)
Befolkingstichtens	278,71 ynw./km²
Oare ynformaasje
Heechste punt	Monte Saccarello: 2.201 m
Oantal gemeenten	234
Provinsjes	Genua, Imperia, La Spezia, Savona

Liguerje leit oan de Golf fan Genua, dy't in part is fan de Ligueryske See, dat wer it noardlikste stik is fan de Middellânske See. De kuststripe wurdt ek wol de Ligueryske kust neamd. In oare namme is de Italjaanske of blommeriviêra, dêr't in soad aardige kustplakjes lizze.

Om-ende-by de helte fan it lânoerflak is begroeid mei bosk. Fan de befolking wennet 50 % yn ien fan de fjouwer provinsjehaadstêden. It oare part fan de befolking wennet yn haadsaak tichteby de kust. It bercheftige binnenlân is tin befolke.

Klimaat

De Ligueryske kust hat in myld seeklimaat. Yn jannewaris wurdt it yn Genua trochstrings sa'n 8° oant 10°C. It friest dêr selden, útsein yn it bergeftich gebiet fan it binnenlân. Simmerdeis komt de temperatuer op sa'n 24-25°C út. De reinfal kin somtiden oerfloedich wêze; fanwege de bergen ticht by de kust is der in soad wolkefoarming sadat yn Genua alle jierren likernôch 2000 mm rein falt. Lykwols hawwe oare gebieten de gewoane wearden fan it Middellânske Seegebiet (500-800 mm).

Nijsgjirrichheden

• De nijsgjirrichste plakken yn de regio binne: Genua, de doarpen fan de Cinque Terre, Albenga, Camogli, Sestri Levante, Noli, San Remo en Chiavari.
• De wichtichste natuergebieten fan Liguerje binne: Cinque Terre, it skiereilân fan Portofino, de Ligueryske Alpen en it karstlânskip om de plak Finale Ligure hinne.

Provinsjes

De regio bestiet út de metropolitane stêd Genua en trije provinsjes:

Kaart	Provinsje	Ofk.	Haadstêd	Oantal gemeenten
	Genua	GE	Genua	67
	Imperia	IM	Imperia	66
	La Spezia	SP	La Spezia	69
	Savona	SV	Savona	32

Grutste gemeenten

Op 28-02-2024 wiene de tsien grutste gemeenten yn 'e regio:

N°	Wapen	Gemeente	Provinsje	Ynwennertal*
1		Genua	Metropolitane stêd Genua	562.171
2		La Spezia	La Spezia	92.661
3		Savona	Savona	58.644
4		San Remo	Imperia	53.009
5		Imperia	Imperia	42.416
6		Rapallo	Metropolitane stêd Genua	29.422
7		Chiavari	La Spezia	27.483
8		Albenga	Savona	23.553
9		Ventimiglia	Imperia	22.922
10		Sarzana	La Spezia	21.750

• Nasjonaal Ynstitút foar Statistyk fan Itaalje, 1 jannewaris 2024.)

Ofbylden

• 
  Cinque Terre.
• 
  Genua.
• 
  Sestri Levante.
• 
  Monte Saccarello.

• 
  San Remo
• 
  La Spezia
• 
  Savona
• 
  Rapallo

Regio's fan Itaalje
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje
· ·